கடற்படையில் சட்டத்துறை நிரந்தர கமிஷன் அதிகாரி பணி அறிவிப்பு!

இந்தியக் கடற்படையில், சட்டப் பிரிவு எக்சிக்யூட்டிவ் கிளையில், நிரந்தர கமிஷன் அதிகாரியாகப் பணிபுரிய திருமணமாகாத ஆண் விண்ணப்பதாரர்களிடமிருந்து விண்ணப்பங்கள் வரவேற்கப்படுகின்றன. இதற்கான பயிற்சி வகுப்புகள் கேரளாவிலுள்ள எழிமலாவில் ஜனவரி 2011 முதல் துவங்கப்படவுள்ளன.

வயது வரம்பு:

இந்தப் பதவிக்கு விண்ணப்பிக்க விரும்புபவர்கள் 22 வயது முதல் 27 வயதுக்குட்பட்டவராக இருக்க வேண்டும். அதாவது 02.01.1984 முதல் 01.01.1989க்குள் பிறந்தவராக இருக்க வேண்டும்.

கல்வித் தகுதி:

அட்வகேட் சட்டம் 1961ல் வழக்கறிஞராகப் பதிவு செய்யும் விதத்திலான சட்டப் பிரிவு பட்டத்தை குறைந்தபட்சம் 55 சதவிகித மதிப்பெண்களுடன் முடித்திருக்க வேண்டும். இந்த ஆண்டு இறுதித் தேர்வு எழுதும் மாணவர்கள் இந்தப் பதவிக்கு விண்ணப்பிக்க முடியாது.

உடல் தகுதி:

உயரம் குறைந்த பட்சம் 157 செ.மீட்டரும் அதற்கு இணையான எடையும் கொண்டிருக்க வேண்டும். கண்ணாடி அணிந்திருப்பவர்களும் சில நிபந்தனைகளுக்கு உட்பட்டு விண்ணப்பிக்க முடியும். ஆனால், நிறக் குறைபாடு மற்றும் மாலைக் கண் உடையவர்கள் இந்தப் பதவிக்கு விண்ணப்பிக்க முடியாது.

பணி வாய்ப்புகள்:

இந்தப் பதவியில் இணைபவர்கள் சப்-லெப்டினென்ட், லெப்டினன்ட், கமாண்டர், கேப்டன், கமாடோர் என்று படிப்படியாக பணி உயர்வு பெறும் வாய்ப்புகள் உள்ளன.

பயிற்சி:

2011 ஆம் ஆண்டு சப்-லெப்டினன்டாகப் பணி நியமனம் பெறும் இவர்கள் இந்திய நேவல் அகாடமியில் அடிப்படைப் பயிற்சிகளை மேற்கொள்ள வேண்டும். இதற்குப் பின் தொழில் ரீதியான பயிற்சியை பல்வேறு நேவல் பயிற்சி மையங்களிலும், கப்பல்களிலும் மேற்கொள்ள வேண்டும். இந்தப் பயிற்சிகளின் போதே முழுமையான ஊதியம் கிடைக்கும்.

பணியின் தன்மை:

சர்வதேச எல்லைகளில் போர் மூழும் போது, இவர்களுக்கு கடமைகள் அதிகரிக்கும். சட்டம் தொடர்புடைய பல்வேறு அம்சங்களில் தேவைப்படும் ஆலோசனைகளை இவர்களே வழங்க வேண்டும். திட்ட உருவாக்க நிலைகளில் மட்டுமன்றி, செயலாக்கம் வரை சட்ட ரீதியான ஆலோசனைகளை இவர்களே வழங்குகிறார்கள்.

தேர்வு முறை:

சட்டப் படிப்பில் விண்ணப்பதாரர்களின் சாதனை அடிப்படையில் விண்ணப்பதாரர்கள் சர்வீசஸ் செலக்சன் போர்டின் நேர்காணலுக்கு அழைக்கப்படுவார்கள். அதிகபட்ச கல்வித் தகுதியில் பெற்ற மதிப்பெண்களே தேர்ச்சிக்கு எடுத்துக் கொள்ளப்படும். தேர்ச்சி பெறுபவர்களுக்கு மட்டுமே நேர்காணலுக்கான அழைப்புகள் அனுப்பப்படும். இந்த நேர்காணல் தேர்வுகளை நவம்பர் 2010ல் பெங்களூரு, போபால் அல்லது கோயம்புத்தூரில் நடத்தத் திட்டமிடப்பட்டுள்ளது.

விண்ணப்பிக்கும் முறை:

இந்தப் பதவிக்கு விண்ணப்பிக்க பரிந்துரைக்கப்பட்ட மாதிரியிலான படிவத்தை நிரப்பி, அனுப்பும் கவரின் மீது "LAW CADRE & JAN 2011 COURSE, Educational Qualification: Aggregate Percentage%" என்று எழுதி அனுப்ப வேண்டும்.

விண்ணப்பிக்கும் முகவரி:

POST BAG NO.02, SAROJANI NAGAR, PO, NEW DELHI 110 023.

விண்ணப்பம் சென்றடைய கடைசி நாள்: ஜூன் 10, 2010.

நன்றி: தினமலர்.