சென்ட்ரல் பாங்க் ஆப் இந்தியாவில் புரொபேஷனரி அதிகாரி பணி அறிவிப்பு!

இந்தியாவில் இயங்கும் பொதுத் துறை வங்கிகளில் முன்னோடி வங்கியான சென்ட்ரல் பாங்க் ஆப் இந்தியாவில் 500 புரொபேஷனரி அதிகாரிகளைப் பணியிலமர்த்துவதற்கான அறிவிப்பு வெளியாகியுள்ளது. இந்தப் பதவிக்கு அரசு நிர்ணயித்தபடி எஸ்.சி., எஸ்.டி.,ஓ.பி.சி.,ஆகிய பிரிவினருக்கு இட ஒதுக்கீடு உள்ளது.

வயது வரம்பு:

சென்ட்ரல் பாங்க் புரொபேஷனரி அதிகாரி பதவிக்கு விண்ணப்பிக்க 01.04.2010 அன்று வயது 21 முதல் 30 க்குள் இருக்க வேண்டும்.

கல்வித் தகுதி:

ஏதாவது ஒரு அங்கீகரிக்கப்பட்ட பல்கலைக் கழகத்தின் வாயிலாக குறைந்த பட்சம் 55 சதவிகித மதிப்பெண்களுடன் ஏதாவது ஒரு பிரிவில் பட்டப் படிப்பை முடித்திருக்க வேண்டும். எஸ்.சி., எஸ்.டி., பிரிவினர் குறைந்த பட்சம் 50 சதவிகித மதிப்பெண்களுடன் பட்டப் படிப்பை முடித்திருக்க வேண்டும். இதனுடன் கம்ப்யூட்டர் தொடர்புடைய அடிப்படை அறிவு தேவைப்படும். இதற்கு வங்கியினால் அங்கீகரிக்கப்பட்ட கம்ப்யூட்டர் பயிற்சி நிறுவனத்தின் சான்றிதழ் தேவைப்படும்.

தேர்வு முறை:

இந்தப் பதவிக்கு அனுப்பப்படும் விண்ணப்பங்களின் எண்ணிக்கையைப் பொறுத்து எழுத்துத் தேர்வு, குழுவிவாதம், நேர்காணல் ஆகிய முறைகளில் தேர்ச்சி முறை இருக்கும் என்று அறிவிக்கப்பட்டுள்ளது. எனவே கல்வி மற்றும் வயதுத் தகுதியை மட்டும் அடிப்படையாகக் கொண்டு எழுத்துத் தேர்வு, குழுவிவாதம், நேர்காணல் ஆகியவற்றுக்கான அழைப்பு கிடைத்துவிடும் என்று சொல்லிவிட முடியாது. கல்வித்தகுதி, பணியில் பொருந்தும் தன்மை, பணியனுபவம் போன்ற பல்வேறு காரணிகளின் அடிப்படையில் வங்கி நிர்வாகம் முதற்கட்ட பரிசீலனை செய்த பின்னரே இந்தத் தேர்ச்சி முறைகளில் பங்கு பெறும் வாய்ப்பு கிடைக்கும். எழுத்துத் தேர்வு 25.07.2010 அன்று தமிழகத்தின் சென்னை, திருச்சி, அருகிலுள்ள மாநில மையமான பெங்களூரு உள்ளிட்ட இந்தியாவின் 16 மையங்களில் நடைபெறும் என்று அறிவிக்கப்பட்டுள்ளது.

விண்ணப்பக் கட்டணம்:

இந்தப் பதவிக்கு விண்ணப்பிக்க ரூ.300/- கட்டணமாகச் செலுத்த வேண்டும். எஸ்.சி., எஸ்.டி., பிரிவினர் ரூ.25/- மட்டும் செலுத்தினால் போதுமானது. கட்டணத்தை சென்ட்ரல் பாங்கின் சி.பி.எஸ்., கிளை (கோர் பேங்கிங்) ஏதாவது ஒன்றில் கட்டணம் செலுத்தும் ரசீதின் வாயிலாகச் செலுத்த வேண்டும். இப்படிச் செலுத்தும் போது கிடைக்கும் ரசீதைப் பத்திரமாக வைத்திருந்து எழுத்துத் தேர்வின் போது கொண்டு செல்ல வேண்டும்.

விண்ணப்பிக்கும் முறை:

சென்ட்ரல் பாங்கின் புரொபேஷனரி அதிகாரி பணிக்கு கட்டணத்தைச் செலுத்திய பின் இந்த வங்கியின் இணைய தளமாகிய http://www.centralbankofindia.co.in யில் ஆன்லைன் முறையில் விண்ணப்பிக்க வேண்டும். ஆன்லைனில் 06.05.2010 முதல் 05.06.2010க்குள் விண்ணப்பிக்க வேண்டும். ஆன்லைனில் விண்ணப்பித்த பின் கிடைக்கும் பதிவுத் தாளை பிரிண்ட் அவுட்டாக எடுத்து பத்திரப்படுத்தவும் நேர்காணலுக்கான அழைப்பு வரும்போது இதனை எடுத்துச் செல்ல வேண்டும்.

தேதிகள்:

ஆன்லைன் பதிவு துவங்கும் நாள் 06.05.2010.
ஆன்லைன் பதிவு முடியும் நாள் 05.06.2010.
எழுத்துத் தேர்வு நடைபெறும் நாள் 25.07.2010.

இணையதள முகவரி: http://www.centralbankofindia.co.in

நன்றி: தினமலர்.