Re: திருக்குறள்.

by **sriniyamasri** Mon Aug 01, 2011 3:44 pm

மிக்க நன்றி தோழா / தோழி Smile

by மகி Mon Aug 01, 2011 11:58 pm

sriniyamasri wrote:மிக்க நன்றி தோழா / தோழி

தோழன் தான் நண்பரே.

by மகி Tue Aug 02, 2011 2:27 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 72

அன்பிலார் எல்லாம் தமக்குரியர் அன்புடையார்
என்பும் உரியர் பிறர்க்கு.

விளக்கம்:

அன்பு இல்லாதவர் எல்லாப்பொருள்களையும் தமக்கே உரிமையாகக் கொண்டு வாழ்வார்; அன்பு உடையவர் தம் உடமையும் பிறர்க்கு உரிமையாக்கி வாழ்வர்.

by மகி Tue Aug 02, 2011 2:29 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 73

அன்போடு இயைந்த வழக்கென்ப ஆருயிர்க்கு
என்போடு இயைந்த தொடர்பு.

விளக்கம்:

அருமையான உயிர்க்கு உடம்போடு பொருந்தி இருக்கின்ற உறவு, அன்போடு பொருந்தி வாழும் வாழ்க்கையின் பயன்என்று கூறுவர்.

by மகி Tue Aug 02, 2011 2:31 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 74

அன்புஈனும் ஆர்வம் உடைமை அதுஈனும்
நண்பு என்னும் நாடாச் சிறப்பு.

விளக்கம்:

அன்பு பிறரிடம் விருப்பம் உடையவராக வாழும் தன்மையைத் தரும்: அஃது எல்லாரிடத்தும் நட்பு என்றுசொல்லப்படும் அளவற்ற சிறப்பைத் தரும்.

by மகி Tue Aug 02, 2011 2:32 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 75

அன்புற்று அமர்ந்த வழக்கென்ப வையகத்து
இன்புற்றார் எய்தும் சிறப்பு.

விளக்கம்:

உலகத்தில் இன்பம் உற்று வாழ்கின்றவர் அடையும் சிறப்பு, அன்பு உடையவராகிப் பொருந்தி வாழும் வாழ்கையின் பயன் என்று கூறுவர்.

by மகி Tue Aug 02, 2011 2:33 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 76

அறத்திற்கே அன்புசார் பென்ப அறியார்
மறத்திற்கும் அஃதே துணை.

விளக்கம்:

அறியாதவர், அறத்திற்கு மட்டுமே அன்பு துணையாகும் என்று கூறுவர்; ஆராய்ந்து பார்த்தால் வீரத்திற்க்கும் அதுவே துணையாக நிற்கின்றது.

by மகி Tue Aug 02, 2011 2:34 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 77

என்பி லதனை வெயில்போலக் காயுமே
அன்பி லதனை அறம்.

விளக்கம்:

எலும்பு இல்லாத உடம்போடு வாழும் புழுவை வெயில் காய்ந்து வருத்துவது போல் அன்பு இல்லாத உயிரை அறம் வருத்தும்.

by மகி Tue Aug 02, 2011 2:34 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 78

அன்பகத் தில்லா உயிர்வாழ்க்கை வன்பாற்கண்
வற்றல் மரந்தளிர்த் தற்று.

விளக்கம்:

அகத்தில் அன்பு இல்லாமல் வாழும் உயிர் வாழக்கை வளமற்ற பாலைநிலத்தில் பட்டமரம் தளிர்த்தாற் போன்றது.

by மகி Tue Aug 02, 2011 2:35 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 79

புறத்துறுப் பெல்லாம் எவன்செய்யும் யாக்கை
அகத்துறுப்பு அன்பி லவர்க்கு.

விளக்கம்:

தன் மகனை நற்பண்பு நிறைந்தவன் என பிறர் சொல்லக் கேள்வியுற்ற தாய், தான் அவனை பெற்றக் காலத்தில் உற்ற மகிழ்ச்சியை விடப் பெரிதும் மகிழ்வாள்.

by மகி Tue Aug 02, 2011 2:36 am

அறத்துப்பால்

இல்லறவியல்

அதிகாரம்: அன்புடைமை

குறள் எண்: 80

அன்பின் வழியது உயிர்நிலை அஃதிலார்க்கு
என்புதோல் போர்த்த உடம்பு.

விளக்கம்:

அன்பின் வழியில் இயங்கும் உடம்பே உயிர்நின்ற உடம்பாகும்: அன்பு இல்லாதவர்க்கு உள்ள உடம்பு எலும்பைத் தோல்போர்த்த வெற்றுடம்பே ஆகும்.

by மகி Tue Aug 02, 2011 2:37 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 81

இருந்தோம்பி இல்வாழ்வ தெல்லாம் விருந்தோம்பி
வேளாண்மை செய்தற் பொருட்டு.

விளக்கம்:

வீட்டில் இருந்து பொருள்களைக் காத்து இல்வாழ்க்கை நடத்துவதெல்லாம் விருந்தினரைப் போற்றி உதவி செய்யும் பொருட்டே ஆகும்.

by மகி Tue Aug 02, 2011 2:38 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 82

விருந்து புறத்ததாத் தானுண்டல் சாவா
மருந்தெனினும் வேண்டற்பாற் றன்று.

விளக்கம்:

விருந்தினராக வந்தவர் வீட்டின் புறத்தே இருக்கத் தான் மட்டும் உண்பது சாவாமருந்தாகிய அமிழ்தமே ஆனாலும் அது விரும்பத்தக்கது அன்று.

by மகி Tue Aug 02, 2011 2:38 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 83

வருவிருந்து வைகலும் ஓம்புவான் வாழ்க்கை
பருவந்து பாழ்படுதல் இன்று.

விளக்கம்:

தன்னை நோக்கி வரும் விருந்தினரை நாள் தோறும் போற்றுகின்றவனுடைய வாழ்க்கை, துன்பத்தால் வருந்திக் கெட்டுப் போவதில்லை.

by மகி Tue Aug 02, 2011 2:39 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 84

அகனமர்ந்து செய்யாள் உறையும் முகனமர்ந்து
நல்விருந்து ஓம்புவான் இல்.

விளக்கம்:

நல்ல விருந்தினராய் வந்தவரை முகமலர்ச்சி கொண்டு போற்றுகின்றவனுடைய வீட்டில் மனமகிழ்ந்து திருமகள் வாழ்வாள்.

by மகி Tue Aug 02, 2011 2:40 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 85

வித்தும் இடல்வேண்டும் கொல்லோ விருந்தோம்பி
மிச்சில் மிசைவான் புலம்.

விளக்கம்:

விருந்தினரை முன்னே போற்றி உணவளித்து மிஞ்சிய உணவை உண்டு வாழ்கின்றவனுடைய நிலத்தில் விதையும் விதைக்க வேண்டுமோ?.

by மகி Tue Aug 02, 2011 2:41 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 86

செல்விருந்து ஓம்பி வருவிருந்து பார்த்திருப்பான்
நல்வருந்து வானத் தவர்க்கு.

விளக்கம்:

வந்த விருந்தினரைப் போற்றி, இனிவரும் விருந்தினரை எதிர் பார்த்திருப்பவன், வானுலகத்தில் உள்ள தேவர்க்கும் நல்ல விருந்தினனாவான்.

by மகி Tue Aug 02, 2011 2:42 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 87

இனைத்துணைத் தென்பதொன் றில்லை விருந்தின்
துணைத்துணை வேள்விப் பயன்.

விளக்கம்:

விருந்தோம்புதலாகிய வேள்வியின் பயன் இவ்வளவு என்று அளவு படுத்தி கூறத்தக்கது அன்று, விருந்தினரின் தகுதிக்கு ஏற்ற அளவினதாகும்.

by மகி Tue Aug 02, 2011 2:44 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 88

பரிந்தோம்பிப் பற்றற்றேம் என்பர் விருந்தோம்பி
வேள்வி தலைப்படா தார்.

விளக்கம்:

விருந்தினரை ஓம்பி அந்த வேள்வியில் ஈடுபடாதவர் பொருள்களை வருந்திக்காத்துப் (பின்பு இழந்து) பற்றுக்கொடு இழந்தோமே என்று இரங்குவர்.

by மகி Tue Aug 02, 2011 2:45 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 89

உடைமையுள் இன்மை விருந்தோம்பல் ஓம்பா
மடமை மடவார்கண் உண்டு.

விளக்கம்:

செல்வநிலையில் உள்ள வறுமை என்பது விருந்தோம்புதலைப் போற்றாத அறியாமையாகும்; அஃது அறிவிலிகளிடம் உள்ளதாகும்.

by மகி Tue Aug 02, 2011 2:56 am

அறத்துப்பால்

இல்லறவியல்

அதிகாரம்: விருந்தோம்பல்

குறள் எண்: 90

மோப்பக் குழையும் அனிச்சம் முகந்திரிந்து
நோக்கக் குநழ்யும் விருந்து.

விளக்கம்:

அனிச்சப்பூ மோந்தவுடன் வாடிவிடும்; அதுபோல் முகம் மலராமல் வேறு பட்டு நோக்கியவுடன் விருந்தினர் வாடி நிற்பார்.

by மகி Tue Aug 02, 2011 3:03 am

அறத்துப்பால்

இல்லறவியல்

அதிகாரம்: இனியவைகூறல்

குறள் எண்: 91

இன்சொலால் ஈரம் அளைஇப் படிறுஇலவாம்
செம்பொருள் கண்டார்வாய்ச் சொல்.

விளக்கம்:

ஒருவர் வாயிலிருந்து வரும் சொல் அன்பு கலந்ததாகவும், வஞ்சனையற்றதாகவும், வாய்மையுடையதாகவும் இருப்பின் அதுவே இன்சொல் எனப்படும்.

by மகி Tue Aug 02, 2011 3:03 am

அறத்துப்பால்

இல்லறவியல்

அதிகாரம்: இனியவைகூறல்

குறள் எண்: 92

அகன்அமர்ந்து ஈதலின் நன்றே முகனமர்ந்து
இன்சொலன் ஆகப் பெறின்.

விளக்கம்:

முகம் மலர்ந்து இன்சொல் உடையவனாக இருக்கப்பெற்றால், மனம் மகிழ்ந்து பொருள் கொடுக்கும் ஈகையைவிட நல்லதாகும்.

by மகி Tue Aug 02, 2011 3:06 am

அறத்துப்பால்

இல்லறவியல்

அதிகாரம்: இனியவைகூறல்

குறள் எண்: 93

முகத்தான் அமர்ந்து இனிதுநோக்கி அகத்தானாம்
இன்சொ லினதே அறம்.

விளக்கம்:

முகத்தால் விரும்பி, இனிமையுடன் நோக்கி, உள்ளம் கலந்து இன்சொற்களைக் கூறும் தன்மையில் உள்ளதே அறமாகும்.

by மகி Tue Aug 02, 2011 3:07 am

அறத்துப்பால்

இல்லறவியல்

அதிகாரம்: இனியவைகூறல்

குறள் எண்: 94

துன்புறூஉம் துவ்வாமை இல்லாகும் யார்மாட்டும்
இன்புறூஉம் இன்சொ லவர்க்கு.

விளக்கம்:

யாரிடத்திலும் இன்புறத்தக்க இன்சொல் வழங்குவோர்க்குத் துன்பத்தை மிகுதிபடுத்தும் வறுமை என்பது இல்லையாகும்.

by Sponsored content