வார ராசி பலன் - 11 ஜூலை 2011 முதல் 18 ஜூலை 2011 வரை!

மேஷம்:

எதார்த்தவாதிகளே! புதன் சாதகமாக இருப்பதால் நிர்வாகத் திறன் கூடும். புதியவர்கள் அறிமுகமாவார்கள். திடீர் பணவரவு உண்டு. வீடு, வாகனச் சேர்க்கை உண்டு. குடும்பத்தில் உங்கள் கை ஓங்கும். பிள்ளைகளால் மதிப்புக் கூடும். சகோதர வகையில் இருந்த மனவருத்தம் நீங்கும். வெளியூர் பயணங்கள் திருப்திகரமாக அமையும். உறவினர்கள், நண்பர்களின் வருகையால் வீட்டில் உற்சாகம் பொங்கும். தன்னார்வத் தொண்டு நிறுவனங்களில் உங்களை இணைத்துக் கொள்வீர்கள். குருபகவான் ராசிக்குள் நிற்பதால் வேலைச்சுமை, வீண் டென்ஷன், மனஉளைச்சல் வந்துப் போகும். அரசியல்வாதிகளே! தலைமைக்கு நெருக்கமாவீர்கள். 11, 12 மற்றும் 13-ந் தேதி காலை 10 மணி வரை சந்திராஷ்டமம் இருப்பதால் முக்கிய முடிவுகளை தவிர்ப்பது நல்லது. கன்னிப் பெண்களே! வருங்காலத் திட்டத்தில் ஒன்று நிறைவேறும். வியாபாரத்தில் கடினமாக உழைத்து லாபம் பெறுவீர்கள். புது ஒப்பந்தங்கள் தேடி வரும். உத்‌தியோகத்தில் சூழ்ச்சிகளை தாண்டி முன்னேறுவீர்கள். கலைத்துறையினர்களே! உங்கள் படைப்புகளை அனைவரும் பாராட்டுவார்கள். விட்டுக் கொடுக்கும் மனப்பான்மையால் வெற்றி பெறும் வாரமிது. அதி‌ர்ஷ்ட தேதிகள் : 14, 15, 17 அதி‌ர்ஷ்ட எண்கள் : 2, 4 அதி‌ர்ஷ்ட நிறங்கள் : ரோஸ், வெள்ளை அதி‌ர்ஷ்ட திசை : கிழக்கு.

ரிஷபம்:

சொன்ன சொல் தவறாதவர்களே! புதன் சாதகமான நட்சத்திரங்களில் செல்வதால் புது முயற்சிகளில் வெற்றி கிட்டும். புது சொத்து வாங்குவீர்கள். கேட்ட இடத்தில் பணம் கிடைக்கும். குடும்பத்தில் சந்தோஷம் நிலைக்கும். பிள்ளைகளின் போக்கில் நல்ல மாற்றம் உண்டாகும். பழைய நண்பர்கள், உறவினர்களின் சந்திப்பீர்கள். அடிக்கடி தொல்லை தந்த வாகனத்தை மாற்றுவீர்கள். பழைய கடனைத் தீர்க்க முயற்சி செய்வீர்கள். வீடு கட்ட வாங்க வங்கி கடன் உதவி கிடைக்கும். செவ்வாய் ராசிக்குள் இருப்பதால் சகோதர வகையில் அலைச்சல், சிறுசிறு நெருப்பு காயங்கள், மனக்குழப்பம், சொத்து சிக்கல்கள் வந்து நீங்கும். 13-ந் தேதி காலை 10 மணி முதல் 14 மற்றும் 15-ந் தேதி மாலை 4 மணி வரை சந்திராஷ்டமம் இருப்பதால் யாரையும் பகைத்துக் கொள்ளாதீர்கள். குரு 12-ல் மறைந்திருப்பதால் வீண் செலவு, டென்ஷன், திடீர் பயணங்கள் வந்து செல்லும். கன்னிப் பெண்களே! தடைப்பட்ட உயர்கல்வியை தொடர்வீர்கள். வியாபாரத்தில் பழைய சரக்குகளை விற்றுத் தீரும். கணிசமாக லாபம் உயரும். உத்‌தியோகத்தில் ஓடிஓடி உழைத்தும் அங்கீகாரம் கிடைக்கவில்லையே என்று அலுத்துக் கொள்ளாதீர்கள். சக ஊழியர்கள் உதவுவார்கள். கலைத்துறையினர்களே! பழைய நிறுவனங்களில் இருந்து புதிய வாய்ப்புகள் வரும். சகிப்புத் தன்மையால் நிம்மதி பெறும் வாரமிது. அதி‌ர்ஷ்ட தேதிகள் : 11, 12, 17 அதி‌ர்ஷ்ட எண்கள் : 1, 5 அதி‌ர்ஷ்ட நிறங்கள் : வெளிர்நீலம், மெரூண் அதி‌ர்ஷ்ட திசை : வடக்கு.

மிதுனம்:

மன்னிக்கும் குணம் கொண்டவர்களே! சுக்ரன் வலுவாக இருப்பதால் எதையும் சாதிக்கும் துணிச்சல் வரும். சமூகத்தில் பெரிய அந்தஸ்தில் இருப்பவர்களின் நட்பு கிடைக்கும். உங்கள் ரசனைக் கேற்ப வீடு, வாகனம் அமையும். கணவன்-மனைவிக்குள் நெருக்கம் உண்டாகும். எதிர்பார்த்த பணம் வரும். பிள்ளைகள் தங்கள் தவறை உணருவார்கள். கல்யாணப் பேச்சு வார்த்தை சாதகமாக அமையும். அயல்நாட்டிலிருக்கும் நண்பர்களால் ஆதாயம் உண்டு. கேட்ட இடத்தில் உதவிகள் கிடைக்கும். செவ்வாய் 12-ல் மறைந்திருப்பதால் தூக்கமின்மை, சொத்துப் பிரச்னை, சகோதர வகையில் பிணக்குகள் வரும். வழக்கில் அவசரம் வேண்டாம். புதியவர்கள் நண்பர்களாவார்கள். 15-ந் தேதி மாலை 4 மணி முதல் 16 மற்றும் 17 ஆகிய தேதிகளில் சந்திராஷ்டமம் இருப்பதால் எதிர்பார்த்தவை தாமதமாக முடியும். கன்னிப் பெண்களே! உங்களின் புது முயற்சிகளை பெற்றோர் ஆதரிப்பார். அரசியல்வாதிகளே! சகாக்களைப் பற்றிக் குறைக் கூற வேண்டாம். வியாபாரத்தில் சில மாற்றங்கள் செய்வீர்கள். வேலையாட்களால் இருந்த மறைமுகப் பிரச்னைகள் நீங்கும். உத்‌தியோகத்தில் உயர்வு உண்டு. கலைத்துறையினர்களே! உங்களின் கலைத்திறன் வளரும். வி. ஐ. பிகளால் ஆதாயமடையும் வாரமிது. அதி‌ர்ஷ்ட தேதிகள் : 11, 13, 14 அதி‌ர்ஷ்ட எண்கள் : 5, 9 அதி‌ர்ஷ்ட நிறங்கள் : ஆரஞ்சு, க்ரீம் வெள்ளை அதி‌ர்ஷ்ட திசை : தென்மேற்கு.

கடகம்:

சீர்திருத்தவாதிகளே! உங்கள் ராசிக்குள்ளேயே புதன் நிற்பதால் உங்களின் புத்திசாலித்தனம் வெளிப்படும். குடும்பத்தில் உங்கள் வார்த்தைக்கு மதிப்புக் கூடும். பிள்ளைகள் கேட்டதை வாங்கித் தருவீர்கள். பூர்வீக சொத்துப் பங்கை கேட்டு வாங்குவீர்கள். மகனின் படிப்பிற்கு தகுந்த நல்ல உத்‌தியோகம் கிடைக்கும். அயல்நாடு செல்லும் வாய்ப்பு வரும். மனைவி வழியில் எதிர்பார்த்த உதவிகள் கிட்டும். உறவினர்கள், நண்பர்களால் அனுகூலம் உண்டு. ஆடை, ஆபரணம் சேரும். வீட்டை அழகுப்படுத்துவீர்கள். குரு 10-ம் வீட்டில் இருப்பதால் அலைச்சல், பயம் வந்து நீங்கும். புண்ணிய ஸ்தலங்கள் சென்று நேர்த்திக் கடனை நிறைவேற்றுவீர்கள். கன்னிப் பெண்களே! சிலரின் ஆசை வார்த்தைகளை நம்பி ஏமாறாதீர்கள். 17-ந் தேதி முதல் சூரியன் ராசிக்குள் அமர்வதால் கண் வலி, மனஇறுக்கம், டென்ஷன் வந்துப் போகும். அரசியல்வாதிகளே! மேலிடத்தை பகைத்துக் கொள்ளாதீர்கள். வியாபாரத்தில் எதிர்பாராத தன லாபம் உண்டு. வேலையாட்களை தட்டிக் கொடுத்து வேலை வாங்குங்கள். உத்‌தியோகத்தில் வேலைச்சுமை அதிகரிக்கும். கலைத்துறையினர்களே! பழைய சம்பளப் பிரச்சனை தீரும். திட நம்பிக்கையால் வெல்லும் வாரமிது. அதி‌ர்ஷ்ட தேதிகள் : 11, 13, 15 அதி‌ர்ஷ்ட எண்கள் : 3, 8 அதி‌ர்ஷ்ட நிறங்கள் : மஞ்சள், இளம்சிவப்பு அதி‌ர்ஷ்ட திசை : மேற்கு.

சிம்மம்:

எளிமையை விரும்புபவர்களே! 16-ந் தேதி வரை ராசிநாதன் சூரியன் லாப வீட்டில் அமர்ந்திருப்பதால் அதிரடியாக சில முக்கிய முடிவுகள் எடுப்பீர்கள். பேச்சில் கம்பீரம் பிறக்கும். நாடாளுபவர்களின் நட்பு கிட்டும். கணவன்-மனைவிக்குள் மனம் விட்டு பேசுவீர்கள். பிள்ளைகளால் மகிழ்ச்சியும், உறவினர்களால் ஆதாயமும் உண்டு. பாதிபணம் தந்து முடிக்காமல் இருந்த சொத்தை மீதிப் பணம் தந்து பத்திரப் பதிவு செய்வீர்கள். தாயாரின் உடல் நலம் சீராகும். சகோதர வகையில் பயனடைவீர்கள். வழக்கில் நல்ல தீர்ப்பு வரும். நட்பு வட்டம் விரியும். டி. வி. , ஃப்ரிட்ஜ் போன்ற சாதனங்கள் வாங்குவீர்கள். நாடி வந்தவர்களுக்கு உதவி செய்வீர்கள். கோவில் விசேஷங்களை முன்னின்று நடத்துவீர்கள். ஷேர் மூலம் பணம் வரும். பாதச் சனி தொடர்வதால் பேச்சில் காரம் வேண்டாம். அரசியல்வாதிகளே! எதிர்கட்சிக்காரகள் உதவுவார்கள். கன்னிப் பெண்களே! கூடா பழக்க வழக்கங்களிலிருந்து விடுபடுவீர்கள். வியாபாரத்தில் பாக்கிகள் வசூலாகும். பழைய வாடிக்கையாளர்கள் தேடி வருவார்கள். உத்‌தியோகத்தில் மேலதிகாரி மதிப்பார். அதிக சம்பளத்துடன் புது வாய்ப்புகள் தேடி வரும். கலைத்துறையினர்களே! உங்களின் திறமைகள் வெளிப்படும். புகழ், கௌரவம் உயரும் வாரமிது. அதி‌ர்ஷ்ட தேதிகள் : 12, 15, 17 அதி‌ர்ஷ்ட எண்கள் : 1, 2 அதி‌ர்ஷ்ட நிறங்கள் : ஊதா, பச்சை அதி‌ர்ஷ்ட திசை : தென்கிழக்கு.

கன்னி:

கூடிவாழும் குணமுடையவர்களே! உங்கள் யோகாதிபதி சுக்ரன் சாதகமாக இருப்பதால் நீண்ட நாள் பிரச்சனைக்கு தீர்வு காண்பீர்கள். பணவரவு திருப்தி தரும். வீடு, வாகனம் வாங்கும் யோகம் உண்டாகும். குடும்பத்தில் மகிழ்ச்சி தங்கும். பிரபலங்கள் உதவுவார்கள். மகளுக்கு நல்ல வரன் அமையும். மகனின் கூடா நட்பு விலகும். நவீன மின்னணு சாதனங்கள் வாங்குவீர்கள். அன்னிய நாட்டில் இருப்பவர்கள் உதவுவார்கள். 9-ல் செவ்வாய் இருப்பதால் சேமிப்புகள் கரையும். தந்தைக்கு நெஞ்சு வலி வந்து நீங்கும். வழக்கில் வழக்கறிஞரை மாற்றுவீர்கள். பழைய உறவினர்கள், நண்பர்கள் தேடி வந்து பேசுவார்கள். குருபகவான் 8-ல் மறைந்திருப்பதால் வீண் சந்தேகம், பழி, மனக்குழப்பம் வந்து நீங்கும். ஜன்மச் சனி தொடர்வதால் யாருக்காகவும் சாட்சி கையெழுத்திட வேண்டாம். அரசியல்வாதிகளே! மேலிடத்திற்கு சில ஆலோசனைகள் வழங்குவீர்கள். கன்னிப் பெண்களே! பெற்றோரின் பாசமழையில் நனைவீர்கள். வியாபாரத்தில் மறைமுக எதிர்ப்புகளையும் தாண்டி லாபம் சம்பாதிப்பீர்கள். உத்‌தியோகத்தில் பொறுப்புகள் கூடும். சக ஊழியர்களின் சொந்த விஷயங்களில் தலையிட வேண்டாம். கலைத்துறையினர்களே! புது வாய்ப்புகள் வரும். திடீர் திருப்பங்கள் நிறைந்த வாரமிது. அதி‌ர்ஷ்ட தேதிகள் : 11, 15, 17 அதி‌ர்ஷ்ட எண்கள் : 4, 6 அதி‌ர்ஷ்ட நிறங்கள் : பிங்க், க்ரீம்வெள்ளை அதி‌ர்ஷ்ட திசை : வடகிழக்கு.

துலாம்:

மனவலிமை மிக்கவர்களே! உங்கள் பாக்யாதிபதி புதன் கேந்திர பலம் பெற்று வலுவாக இருப்பதால் எதிர்பார்த்த வேலைகள் தடையின்றி முடியும். கடனாக கேட்ட இடத்தில் பணம் கிடைக்கும். குடும்பத்தாரின் ஆதரவுப் பெருகும். பிள்ளைகளின் வருங்காலம் குறித்து சில முக்கிய முடிவுகள் எடுப்பீர்கள். மூத்த சகோதரிக்கு நல்ல வாழ்க்கைத் துணை அமையும். நட்பால் ஆதாயம் உண்டு. வீடு கட்ட, வாங்க எதிர்பார்த்த வங்கிக் கடன் உதவி கிடைக்கும். 8-ல் செவ்வாயும், கேதுவும் நிற்பதால் இனந்தெரியாத கவலைகள், ஏமாற்றம், சிறுசிறு விபத்து, சகோதர வகையில் செலவுகள் வந்து நீங்கும். வெளிநாட்டிலிருக்கும் உறவினர்களால் உதவிகள் உண்டு. ஏழரைச் சனி தொடர்வதால் பழைய கடன் பிரச்னை அவ்வப்போது மனசை வாட்டும். ஆன்மிக நாட்டம் அதிகரிக்கும். கன்னிப் பெண்களே! நீண்ட நாள் கனவு நனவாகும். புதுத் தொழில் தொடங்கும் முயற்சி வெற்றி அடையும். பழைய பாக்கிகளை வசூலிப்பதில் தீவிரம் காட்டுவீர்கள். உத்‌தியோகத்தில் மேலதிகாரிகள் உங்கள் கோரிக்கையை ஏற்பர். கலைத்துறையினர்களே! பெரிய வாய்ப்புக்காக காத்திருக்காமால் கிடைக்கின்ற வாய்ப்பை பயன்படுத்திக் கொள்ளப் பாருங்கள். விவேகமான முடிவுகளெடுக்கும் வாரமிது. அதி‌ர்ஷ்ட தேதிகள் : 11, 12, 13 அதி‌ர்ஷ்ட எண்கள் : 4, 9 அதி‌ர்ஷ்ட நிறங்கள் : மயில்நீலம், சிவப்பு அதி‌ர்ஷ்ட திசை : தெற்கு.

விருச்சிகம்:

கலகலப்பானவர்களே! சுக்ரன் சாதகமாக இருப்பதால் தடைகளை கண்டு தளரமாட்டீர்கள். பழைய பிரச்சனைகள் தீரும். குடும்பத்தில் நிம்மதி கிட்டும். பிள்ளைகளின் பொறுப்புணர்வு அதிகமாகும். பூர்வீக சொத்தை சீர் செய்வீர்கள். பழுதான மின்னணு சாதனங்களை மாற்றுவீர்கள். வீட்டை அழகுப்படுத்துவீர்கள். உறவினர்கள் ஒத்தாசையாக இருப்பார்கள். நீண்ட நாட்களாக பார்க்க வேண்டும் என்று நினைத்திருந்தவரை சந்தித்து மகிழ்வீர்கள். குருபகவான் 6-ல் மறைந்திருப்பதால் வீண் விரையம், அலைச்சல், மறைமுக எதிர்ப்பு வந்து செல்லும். புது வீடு, மனை வாங்குவீர்கள்-. உடன்பிறந்தவர்கள் உறுதுணையாக இருப்பார்கள். வெளிநாட்டிலிருந்து நல்ல செய்தி வரும். ராகுவும், கேதுவும் சரியில்லாததால் வீண் பயம், அலட்சியம் வந்துப் போகும். 17-ந் தேதி முதல் சூரியன் 9-ல் அமர்வதால் தந்தையுடன் கருத்து மோதல்கள் வரக்கூடும். அரசியல்வாதிகளே! திட்டமிட்ட காரியங்கள் தடைப்பட்டு முடியும். வியாபாரத்தில் போராடி லாபம் ஈட்டுவீர்கள். வாடிக்கையாளர்களிடம் நயமாகப் பேசுங்கள். உத்‌தியோகத்தில் வீண் பழி வந்து செல்லும். தலைமைக்கு உதவுவீர்கள். கலைத்துறையினர்களே! சக கலைஞர்கள் உங்களிடம் நட்புறவாடுவார்கள். வளைந்துக் கொடுக்க வேண்டிய வாரமிது. அதி‌ர்ஷ்ட தேதிகள் : 14, 15, 16 அதி‌ர்ஷ்ட எண்கள் : 3, 4 அதி‌ர்ஷ்ட நிறங்கள் : வைலெட், கிரே அதி‌ர்ஷ்ட திசை : தென்மேற்கு.

தனுசு:

மனசாட்சியை மதிப்பவர்களே! பூர்வ புண்யாதிபதி செவ்வாய் வலுவாக அமர்ந்திருப்பதால் புகழ், கௌரவம் உயரும். வர வேண்டிய பணம் கைக்கு வரும். வி.ஐ.பிகள் வீட்டு விஷேசங்களில் கலந்து கொள்வீர்கள். கம்பீரமாக பேசி சில காரியங்களை முடிப்பீர்கள். அழகு, ஆரோக்யம் கூடும். குடும்பத்தாரின் ஒத்துழைப்பு அதிகரிக்கும். குழந்தை பாக்யம் கிடைக்கும். பிள்ளைகளின் நீண்ட நாள் ஆசைகளை நிறைவேற்றுவீர்கள். சகோதரிக்கு இருந்த பிரச்சனை நீங்கும். வெளிவட்டாரத்தில் அந்தஸ்து உயரும். தாய்வழியில் இருந்த பிணக்குகள் நீங்கும். தங்க நகை வாங்குவீர்கள். பழைய சொந்த-பந்தங்கள் தேடி வருவார்கள். புதியவர்கள் அறிமுகமாவார்கள். அரசு காரியங்கள் சாதகமாக முடியும். கன்னிப் பெண்களே! கல்யாண பேச்சு வார்த்தை வெற்றியடையும். வியாபாரத்தில் வாடிக்கையாளர்களின் ரசனைக்கேற்ற பொருட்களை கொள்முதல் செய்து லாபத்தை பெருக்குவீர்கள். உத்‌தியோகத்தில் உங்கள் கை ஓங்கும். தேங்கிக் கிடந்த வேலைகளை விரைந்து முடிப்பீர்கள். கலைத்துறையினர்களே! பரிசு, பாராட்டுப் பெறுவீர்கள். நீண்ட நாள் ஆசை நிறைவேறும் வாரமிது. அதி‌ர்ஷ்ட தேதிகள் : 11, 16, 17 அதி‌ர்ஷ்ட எண்கள் : 3, 4 அதி‌ர்ஷ்ட நிறங்கள் : மஞ்சள், ப்ரவுன் அதி‌ர்ஷ்ட திசை : மேற்கு.

மகரம்:

செய்நன்றி மறவாதவர்களே! ராசிநாதன் சனிபகவான் வலுவாக அமர்ந்திருப்பதால் பெரிய திட்டங்கள் தீட்டுவீர்கள். எதிர்பார்த்த இடத்தில் கடன் கிடைக்கும். அயல்நாடு செல்லும் வாய்ப்பு வரும். ஹிந்தி, தெலுங்கு பேசுபவர்களால் ஆதாயம் உண்டு. புதன் சாதகமாக இருப்பதால் கனத்த மனசு லேசாகும். பால்ய நண்பர்கள் தேடி வந்து உதவுவார்கள். உறவினர்களுடன் மனம் விட்டு பேசுவீர்கள். சுக்ரன் 6-ல் மறைந்திருப்பதால் கழுத்து வலி, சயனஸ் தொந்தரவு வந்து நீங்கும். குடும்பத்தினரை அனுசரித்துப் போங்கள். டி. வி. , ஃப்ரிட்ஜ் போன்ற சாதனங்கள் பழுதாகும். செவ்வாய் 5-ல் நிற்பதால் பிள்ளைகள் பிடிவாதமாக இருப்பார்கள். பூர்வீக சொத்துப் பிரச்னைக்கு சுமுக தீர்வு காண்பது நல்லது. குருபகவான் 4-ல் அமர்ந்திருப்பதால் அலைச்சல், பணப்பற்றாக்குறை, தாயாருடன் கருத்து மோதல்கள் வந்து செல்லும். அரசியல்வாதிகளே! கட்சியில் மேல்மட்டத்தில் மதிக்கப்படுவீர்கள். கன்னிப் பெண்களே! பெற்றோர் உங்களின் உணர்வுகளை புரிந்து கொள்வார்கள். வியாபாரத்தில் பற்று வரவு சுமார்தான். உத்‌தியோகத்தில் உயரதிகாரி சில சமயங்களில் உங்களை கடிந்துப் பேசினாலும் அன்பாக நடந்து கொள்வார். கலைத்துறையினர்களே! வீண் வதந்திகள் வரக்கூடும். ஒருசில வெற்றிகளை சந்திக்கும் வாரமிது. அதி‌ர்ஷ்ட தேதிகள் : 12, 13, 14 அதி‌ர்ஷ்ட எண்கள் : 3, 8 அதி‌ர்ஷ்ட நிறங்கள் : ஆலிவ்பச்சை, கிரே அதி‌ர்ஷ்ட திசை : வடகிழக்கு.

கும்பம்:

சிந்தனைச் சிற்பிகளே! யோகாதிபதி சுக்ரன் 5-ல் அமர்வதால் மனநிறைவு கிட்டும். புதிய யோசனைகள் பிறக்கும். பணப்பற்றாக்குறையை சாமர்த்தியமாக சமாளிப்பீர்கள். குடும்பத்தில் நிலவி வந்த கூச்சல், குழப்பங்கள் விலகும். வீட்டை விரிவுப்படுத்தி கட்டுவீர்கள். பழைய மின்னணு சாதனங்களை மாற்றுவீர்கள். வாகனத்தை சரி செய்வீர்கள். எதிர்பாராத உதவிகள் கிட்டும். புதன் 6-ல் மறைந்திருப்பதால் உறவினர்கள், நண்பர்களால் பணஇழப்பு, ஏமாற்றம் வந்து செல்லும். வேற்றுமொழிக்காரார்களால் நிம்மதி அடைவீர்கள். குருபகவான் 3-ம் வீட்டில் நிற்பதால் வேலைச்சுமை, வீண் செலவுகள் வந்துப் போகும். கோவில் பஜனைகளில் கலந்துக் கொள்வீர்கள். அஷ்டமத்துச் சனி தொடர்வதால் மற்றவர்களை நம்பி பெரிய முடிவுகள் எடுக்க வேண்டாம். கன்னிப் பெண்களே! தேமல், முகப்பரு நீங்கும். புது வேலைக் கிடைக்கும். வியாபாரத்தில் சந்தை நிலவரத்தை அறிந்து முதலீடு செய்யுங்கள். உத்‌தியோகத்தில் மூத்த அதிகாரிகளைப் பற்றி குறை கூறாதீர்கள். சக ஊழியர்களை அரவணைத்துப் போங்கள். கலைத்துறையினர்களே! உங்களை சிலர் விமர்சித்துப் பேசிக் கொண்டுதான் இருப்பார்கள். அதையும் தாண்டி முன்னேறுவீர்கள். தொடர் முயற்சியால் சாதிக்கும் வாரமிது. அதி‌ர்ஷ்ட தேதிகள் : 11, 15, 17 அதி‌ர்ஷ்ட எண்கள் : 1, 6 அதி‌ர்ஷ்ட நிறங்கள் : மெருண், ஊதா அதி‌ர்ஷ்ட திசை : கிழக்கு.

மீனம்:

கற்பனைவாதிகளே! பிரபலயோகாதிபதி செவ்வாய் 3-ல் அமர்ந்திருப்பதால் தொட்ட காரியம் துலங்கும். பணப்புழக்கம் அதிகரிக்கும். வி. ஐ. பிகளின் தொடர்பு கிட்டும். திருமணப் பேச்சு வார்த்தைக் கைக்கூடும். குடும்பத்தில் உள்ளவர்களின் உணர்வுகளுக்கு மதிப்பளிப்பீர்கள். மகனுக்கு வெளிநாடு செல்லும் வாய்ப்பு வரும். உறவினர்களால் அனுகூலம் உண்டு. நண்பர்களின் ஆதரவுக் கிட்டும். புது சொத்து சேரும். ஷேர், கமிஷன், ரியல் எஸ்டேட் வகைகளால் லாபம் பெறுவீர்கள். உடன்பிறந்தவர்கள் ஒத்தாசையாக இருப்பார்கள். குருபகவான் 2-ல் அமர்ந்திருப்பதால் எதிலும் வெற்றி கிட்டும். உடல் நலம் சீராகும். பெரிய பதவிகள் தேடி வரும். வெளிவட்டாரத்தில் இழந்த செல்வாக்கை மீண்டும் பெறுவீர்கள். கண்டகச் சனி நடப்பதால் மனைவிக்கு மருத்துவச் செலவுகள் வந்து விலகும். அரசியல்வாதிகளே! விமர்சனங்களை தவிர்ப்பது நல்லது. கன்னிப் பெண்களே! வருங்காலத் திட்டத்தில் ஒன்று நிறைவேறும். வியாபாரத்தில் இருந்து வந்த போராட்ட நிலை மாறும். நவீன வசதிகளை புகுத்தி வாடிக்கையாளர்களை கவருவீர்கள். உத்‌தியோகத்தில் புது பொறுப்புகள் தேடி வரும். கலைத்துறையினர்களே! உங்களின் சம்பளம் உயரும். மூத்த கலைஞர்கள் உதவுவார்கள். வெற்றிப் பாதையில் பயணிக்கும் வாரமிது. அதி‌ர்ஷ்ட தேதிகள் : 11, 12, 13 அதி‌ர்ஷ்ட எண்கள் : 8, 9 அதி‌ர்ஷ்ட நிறங்கள் : நீலம், வெள்ளை அதி‌ர்ஷ்ட திசை : தென்கிழக்கு.

நன்றி: வெப்துனியா.