இந்தியன் வங்கியில் கிளரிகல் பணிவாய்ப்பு!

by மகி Sat Jun 26, 2010 1:04 am

பொதுத் துறை வங்கிகளில் சமீப காலமாக மிகச் சிறப்பாக இயங்கி வரும் வங்கிகளில் ஒன்று இந்தியன் பாங்க். இந்த வங்கியில் இந்தியாவில் 685 கிளரிக்கல் பணியிடங்களுக்கான சேர்க்கை அறிவிப்பு வெளியாகியுள்ளது. இவற்றில் தமிழ் நாட்டில் 253 பணியிடங்கள் உள்ளன. இந்தப் பதவிக்கு அரசு விதிமுறைகளுக்கேற்ப எஸ்.சி., எஸ்.டி., ஓ.பி.சி., முன்னாள் ராணுவத்தினர், உடல் ஊனமுற்றோர் ஆகிய பிரிவினருக்கு இட ஒதுக்கீடும் உள்ளது. இந்தப் பதவிக்கு ஆன்லைன் முறையில் மட்டுமே விண்ணப்பிக்க முடியும் என்பதை நினைவில் கொள்ளவும்.

கல்வித் தகுதி:

இந்தியன் வங்கியின் கிளரிகல் பதவிக்கு விண்ணப்பிக்க கல்வித் தகுதிக்கான அடிப்படைத் தேதியாக 01.01.2010 நிர்ணயிக்கப்பட்டுள்ளது. இந்தத் தேதியில் குறைந்த பட்சம் 50 சத விகித மதிப்பெண்களுடன் பிளஸ் 2விற்கு இணையான படிப்பை முடித்தவர்கள் இந்தப் பதவிக்கு விண்ணப்பிக்கலாம். ஏதாவது ஒரு பிரிவில் அங்கீகரிக்கப்பட்ட பல்கலைக்கழகத்தின் மூலமாகப் பட்டப் படிப்பை முடித்தவர்களும் இதற்கு விண்ணப்பிக்கலாம். இவற்றுடன் ஆங்கிலத்தில் எழுத மற்றும் பேசும் திறமையும், விண்ணப்பிக்கும் மாநிலத்தின் அதிகாரபூர்வ மொழியறிவும் கட்டாயத் தேவையாகும். கம்ப்யூட்டர் தொடர்புடைய திறமையும் கூடுதலாகத் தேவைப்படும்.

வயது வரம்பு:

இந்தப் பதவிக்கு விண்ணப்பிக்க 01.01.2010 அன்று 18 வயது நிரம்பியவராகவும், 28 வயதுக்குட்பட்டவராகவும் இருக்க வேண்டும். உச்சபட்ச வயதில் எஸ்.சி.,எஸ்.டி., பிரிவினருக்கு 5 ஆண்டுகளும், ஓ.பி.சி., பிரிவினருக்கு 3 ஆண்டுகளும், உடல் ஊனமுற்றோருக்கு 10 ஆண்டுகளும், முன்னாள் ராணுவத்தினருக்கு பணிக்கால ஆண்டுகளுடன் 3 கூடுதல் ஆண்டுகளும் சலுகையாக வழங்கப்படும்.

தேர்வு முறை:

இந்தியன் வங்கியின் கிளரிகல் பதவிக்கு எழுத்துத் தேர்வு மற்றும் நேர்காணல் என்ற அடிப்படையில் தேர்ச்சி முறை இருக்கும். 95 நிமிட நேரத்திற்கு நடத்தப்படும் அப்ஜெக்டிவ் வகையிலான எழுத்துத் தேர்வில் டெஸ்ட் ஆப் ரீசனிங், டெஸ்ட் ஆப் இங்கிலீஷ், டெஸ்ட் ஆப் நியூமரிகல் எபிலிட்டி, டெஸ்ட் ஆப் கிளரிகல் ஆப்டியூட் ஆகிய பிரிவுகளும், இதன் தொடர்ச்சியாக 45 நிமிட அவகாசத்தில் நடத்தப்படும் டெஸ்கிரிப்டிவ் வகைத் தேர்வில் 5 கேள்விகளும் இருக்கும்.

தேர்ச்சி பெற 2 தேர்வுகளிலும் தனித்தனியாகக் கட்டாயம் வெற்றி பெற வேண்டும். எழுத்துத் தேர்வு தமிழ் நாட்டில் சென்னை, கோவை, மதுரை, திருச்சி, திருநெல்வேலி ஆகிய மையங்களில் நடைபெறும். இந்தத் தேர்வில் வெற்றி பெறுபவர்களுக்கு மட்டுமே நேர்காணலுக்கான அழைப்பு அனுப்பப்படும். எழுத்துத் தேர்வு 22.08.2010 அன்று நடைபெறும் என்று அறிவிக்கப்பட்டுள்ளது. இதற்கான அழைப்புக் கடிதங்களை 16.08.2010 முதல் ஆன்-லைனில் பெற்றுக் கொள்ளலாம்.

தேர்வுக் கட்டணம்:

இந்தியன் வங்கியின் கிளரிகல் பதவிக்கு விண்ணப்பிக்க ரூ.300/-ஐக் கட்டணமாகச் செலுத்த வேண்டும். எஸ்.சி., எஸ்.டி., பிரிவினர் ரூ.50/-ஐ மட்டும் செலுத்தினால் போதும். கட்டணத்தை இந்தியாவிலுள்ள ஏதாவது ஒரு இந்தியன் வங்கிக் கிளையில் மட்டுமே 07.06.2010 முதல் 06.07.2010க்குள் செலுத்த முடியும். கட்டணத்தைச் செலுத்திய பின் தரப்படும் சலானின் விபரங்களுடன் மட்டுமே ஆன்-லைனில் விண்ணப்பிக்க முடியும். விண்ணப்பித்த பின் இந்தச் சலானையும் பத்திரமாக வைக்கவும்.

வேறு என்ன தேவை?

இந்தப் பதவிக்கு ஆன்-லைனில் மட்டுமே விண்ணப்பிக்க முடியும் என்பதால் விண்ணப்பிக்கும் முன் உங்களுக்கென்று பிரத்யேகமாக ஒரு இ-மெயில் இருப்பதை உறுதி செய்யவும். உங்கள் விண்ணப்பம், அழைப்புக் கடிதம், நேர்காணல் அழைப்பு போன்ற பல்வேறு தகவல்களையும் இதன் மூலமாகவே பெற முடியும்.

விண்ணப்பிக்கும் முறை:

விண்ணப்பக் கட்டணத்தைச் செலுத்திய பின் இந்தியன் வங்கியின் இணைய தளமாகிய www.indianbank.in க்கு செல்லவும். கவனமாக எல்லாக் கேள்விகளையும் நிரப்பவும். விண்ணப்பத்தைப் பதிவு செய்த பின் கிடைக்கும் பிரிண்ட்-அவுட்டை பத்திரமாக வைத்திருந்து எழுத்துத் தேர்வு எழுதச் செல்லும்போது எடுத்துச் செல்லவும். முழு விபரங்களை அறிய இந்த வங்கியின் இணைய தளத்தைப் பார்க்கவும்.

முக்கிய தேதிகள்:

ஆன்-லைன் பதிவு துவங்கும் நாள்: 07.06.2010.
ஆன்-லைனில் பதிய இறுதி நாள்: 06.07.2010.
அழைப்புக் கடிதம் பெற ஆரம்பிக்கும் நாள்: 16.08.2010.
எழுத்துத் தேர்வு நடைபெறும் நாள்: 22.08.2010.
இணையதள முகவரி: www.indianbank.in

நன்றி: தினமலர்.

by **aarul** Sat Jun 26, 2010 1:22 am

[You must be registered and logged in to see this image.]

by மகி Sat Jun 26, 2010 1:26 am

aarul wrote:[You must be registered and logged in to see this image.]

மிக்க நன்றி ஐயா.

by **சரண்யா** Tue Jun 29, 2010 8:49 am

இந்தப் பதவிக்கு அரசு விதிமுறைகளுக்கேற்ப எஸ்.சி., எஸ்.டி., ஓ.பி.சி., முன்னாள் ராணுவத்தினர், உடல் ஊனமுற்றோர் ஆகிய பிரிவினருக்கு இட ஒதுக்கீடும் உள்ளது

.
மற்ற பிரிவினரும் தேர்வுக்கு சென்றாலும் ப்ரயயோஜனம் இல்லை தானே...

by மகி Tue Jun 29, 2010 3:25 pm

சரண்யா wrote:
இந்தப் பதவிக்கு அரசு விதிமுறைகளுக்கேற்ப எஸ்.சி., எஸ்.டி., ஓ.பி.சி., முன்னாள் ராணுவத்தினர், உடல் ஊனமுற்றோர் ஆகிய பிரிவினருக்கு இட ஒதுக்கீடும் உள்ளது
.
மற்ற பிரிவினரும் தேர்வுக்கு சென்றாலும் ப்ரயயோஜனம் இல்லை தானே...

ஏன் இவ்வாறு சொல்கிறீர்கள்?

by Sponsored content

இந்தியன் வங்கியில் கிளரிகல் பணிவாய்ப்பு!

இந்தியன் வங்கியில் கிளரிகல் பணிவாய்ப்பு!

Re: இந்தியன் வங்கியில் கிளரிகல் பணிவாய்ப்பு!

Re: இந்தியன் வங்கியில் கிளரிகல் பணிவாய்ப்பு!

Re: இந்தியன் வங்கியில் கிளரிகல் பணிவாய்ப்பு!

Re: இந்தியன் வங்கியில் கிளரிகல் பணிவாய்ப்பு!

Re: இந்தியன் வங்கியில் கிளரிகல் பணிவாய்ப்பு!