பி.எஸ்.என்.எல்.,லில் 1000 அக்கவுன்ட்ஸ் ஆபிசர் பணியிடங்கள்!

by மகி Sat Nov 28, 2009 12:13 am

இந்திய தொலை தொடர்புத் துறையில் பெரும்பங்கு வகிக்கும் பி.எஸ்.என்.எல்., நிறுவனத்தில் 1000 அக்கவுன்ட்ஸ் ஆபிசர் பணியிடங்கள் அறிவிக்கப்பட்டுள்ளன. ஆயிரக்கணக்கில் ஜே.டி.ஓ., மற்றும் பிற டெக்னிகல் பணியிடங்களை அவ்வப்போது அறிவித்து வரும் பி.எஸ்.என்.எல்., அறிவித்துள்ள மிகப் பெரிய வேலை வாய்ப்புகளில் ஒன்று இது. ஜே.ஏ.ஓ. எனப்படும் ஜூனியர் அக்கவுன்ட்ஸ் ஆபிசர் பணியான இந்த காலியிடங்கள் அகில இந்திய அளவில் நடத்தப்படவுள்ள போட்டித் தேர்வு மூலமாக நிரப்பப்படும். இந்தத் தேர்வானது பிப்ரவரி/மார்ச் 2010ல் நடத்தப்படும். இப் பணியில் சேருபவர்கள் தொடக்கத்திலேயே ரூ.20500 மாதச் சம்பளமாக தற்போதைய விகிதத்தில் பெற முடியும்.

தகுதிகள்:

சி.ஏ., சி.எஸ்., சி.டபிள்யூ.ஏ., எம்.காம்., இவற்றில் ஒரு தகுதியைப் பெற்றிருக்க வேண்டும்.
1.1.2010 அன்று 20 முதல் 30 வயதுக்குள் இருக்க வேண்டும். எஸ்.சி., எஸ்.டி., பிரிவினருக்கு 5 ஆண்டுகளும், ஓ.பி.சி., பிரிவினருக்கு 3 ஆண்டுகளும் வயது வரம்பில் தளர்வு தரப்படும். உடல் ஊனமுற்றோருக்கு 10 ஆண்டுகள் சலுகை உண்டு. பி.எஸ்.என்.எல்., ஊழியர்களுக்கு 5 ஆண்டுகள் சலுகை தரப்படும்.

தேர்வு பாடத்திட்டம்:

இத்தேர்வில் ஆங்கிலம், பொது அறிவு, நிதி மேலாண்மை/காஸ்ட் அக்கவுன்டிங்/டாக்ஸ் கமர்சியல் லா இவற்றில் கேள்விகள் இடம் பெறும். விண்ணப்பக் கட்டணம் ரூ.1000. இது டி.டி., அல்லது பே ஆர்டராக செலுத்தப்பட வேண்டும். Accounts Officer(Cash), O/o CGM, NTR, New Delhi என்ற பெயரில் புதுடில்லியில் மாற்றத்தக்கதாக இது எடுக்கப்பட்டு விண்ணப்பத்துடன் இணைக்கப்பட வேண்டும்.
விண்ணப்பத்துடன் பாஸ்போர்ட் சைஸ் போட்டோ, டி.டி., 27க்கு 12 செ.மீ., அளவுள்ள 2 சுய முகவரியிட்ட உறைகள் ஆகியவை இணைக்கப்பட வேண்டும். ஆன்லைனில் விண்ணப்பிக்க முடியாது.

விண்ணப்பிக்கும் முகவரி:

The DGM (Admn.), O/o CGM(Mtce.), BSNL, Northern Telecom Region, Room No. 257, 2nd Floor, Kidwai Bhawan, Janpath, New Delhi 110001

முழு விபரங்களை அறியவும் படிவத்தை டவுண்லோட் செய்து கொள்ளவும் பார்க்க வேண்டிய இணைய தள முகவரி: www.bsnl.co.in

விண்ணப்பம் சென்றடைய கடைசி நாள்: டிசம்பர் 15, 2009.

நன்றி: தினமலர்.