வி.ஏ.ஓ., பணியிடங்கள் அறிவிப்பு!

தமிழ் நாடு அரசின் பணி வாய்ப்புக் குழுமமான டி.என்.பி.எஸ்.சி., சார்பாக 2653 கிராம நிர்வாக அதிகாரிப் பணிகளுக்கான பணியறிவிப்பு வெளியாகியுள்ளது.

வயது வரம்பு:

இந்தப் பதவிகளுக்கு விண்ணப்பிக்க 01.07.2010 அன்று 21 வயது முதல் 30 வயதுக்குட்பட்டவராக இருக்க வேண்டும். வயது வரம்பு குறித்த முழு விபரங்களறிய இந்த அமைப்பின் இணைய தளத்தைப் பார்க்கவும்.

தேர்வு முறை:

டி.என்.பி.எஸ்.சி.,யின் கிராம நிர்வாக அதிகாரிப் பணிக்கு எழுத்துத் தேர்வு மற்றும் விண்ணப்பதாரர் தேர்ந்தெடுத்துள்ள மாவட்ட ரீதியிலான மதிப்பெண்கள் அடிப்படையில் தேர்ச்சி இருக்கும். தேர்வு நாள் குறித்த அறிவிப்பு இன்னமும் வெளியிடப்படவில்லை.

தேர்வுக் கட்டணம்:

கிராம நிர்வாக அதிகாரிப் பதவிக்கு விண்ணப்பிக்க ரூ.75/- கட்டணமாக நிர்ணயிக்கப்பட்டுள்ளது. இதனை டி.என்.பி.எஸ்.சி., பரிந்துரை செய்துள்ள ஏதாவது ஒரு அஞ்சலகத்தில் மட்டுமே செலுத்த முடியும். கட்டணத்தைச் செலுத்தியபின் அஞ்சலகம் வழங்கும் ரசீதை விண்ணப்பப் படிவத்தில் தகுந்த இடத்தில் ஒட்ட வேண்டும். ஓ.எம்.ஆர்., விண்ணப்பங்களை தலைமைத் தபால் அலுவலகம் ஒன்றில் ரூ.30/- கட்டணம் செலுத்திப் பெறலாம். விண்ணப்பத்தை ஆன்-லைன் முறையிலும் விண்ணப்பிக்க முடியும் என்ற போதும், இதற்கு முன் ரூ.105/- கட்டணத்தை தெரிவு செய்யப்பட்ட தபால் அலுவலகத்தில் கட்டிவிட்டு அதன் பின்னர் டி.என்.பி.எஸ்.சி.,யின் இணைய தளத்திற்குச் சென்று விண்ணப்பிக்க வேண்டும். டி.என்.பி.எஸ்.சி.,யின் சென்னை கிரீம்ஸ் சாலையிலுள்ள அலுவலகத்திலிருந்து நேரிலும் விண்ணப்பத்தைப் பெற முடியும். ஆன்-லைனில் பதிவு செய்பவர்கள் 18.08.2010க்குள் விண்ணப்பித்துவிட வேண்டும்.

தேவையான இணைப்புகள்:

விண்ணப்பதாரர்கள் தங்கள் கல்வித் தகுதிக்குரிய சான்றிதழ்களின் நகல்கள், ரூ.75/- கட்டணம் செலுத்தியதற்கான ரசீது ஆகியவற்றை விண்ணப்பத்துடன் இணைத்து அனுப்ப வேண்டும். ஆன்-லைனில் விண்ணப்பிப்பவர்கள் விபரமறிய இணைய தளத்தைப் பார்க்கவும்.

சில முக்கிய தகவல்கள்:

விண்ணப்பம் அனுப்ப இறுதி நாள் : 20.08.2010, மாலை 05.45 மணி.
ஆன்-லைனில் விண்ணப்பிக்க இறுதி நாள் : 18.08.2010, மாலை 05.15 மணி.
டி.என்.பி.எஸ்.சி.,யின் இணைய தள முகவரி : www.tnpsc.gov.in

நன்றி: தினமலர்.