பல்லவன் கிராம வங்கியில் பணி இடங்கள்!

இந்தியாவில் இயங்கும் பொதுத் துறை வங்கிகளில் பிரசித்தி பெற்ற இந்தியன் வங்கியினால் நடத்தப்படும் பல்லவன் கிராம வங்கி 31.08.2006ல் உருவாக்கப்பட்டது. முன்பு அதியமான் கிராம வங்கி, தர்மபுரி - வள்ளலார் கிராம வங்கி, கடலூர் என்று இயங்கி வந்த வங்கிகளை ஒன்றாக்கி இந்த வங்கி உருவாக்கப்பட்டது. இந்த வங்கியில் 11 முதல் நிலை அதிகாரிகளையும், 31 அலுவலக உதவியாளர்களையும் (மல்டி பர்பஸ்) பணி நியமனம் செய்வதற்கான அறிவிப்பு வெளியாகியுள்ளது. அரசு நிபந்தனைகளுக்கு உட்பட்டு இந்தப் பதவிகளுக்கு இட ஒதுக்கீடும் உள்ளது. முழு விபரங்களுக்கு இணைய தளத்தைப் பார்க்கவும்.

வயது:

பல்லவன் வங்கியின் மேற்கண்ட இரண்டு பதவிகளுக்கும் விண்ணப்பிக்க அடிப்படை தேதி 01.01.2011 ஆக நிர்ணயிக்கப்பட்டுள்ளது. அதிகாரி பதவிக்கு 21 வயது முதல் 32 வயதுக்கு உட்பட்டவர்கள் விண்ணப்பிக்கலாம். அலுவலக உதவியாளர் பதவிக்கு 18 வயது நிரம்பியவரும் 28 வயதுக்கு உட்பட்டவரும் விண்ணப்பிக்கலாம்.

கல்வித் தகுதி:

முதல் நிலை அதிகாரி பதவிக்கு ஏதாவது ஒரு பிரிவில் அங்கீகரிக்கப்பட்ட பல்கலைக் கழகத்தின் மூலமாக பட்டப்படிப்பை முடித்தவர்கள் விண்ணப்பிக்கலாம். எனினும், அக்ரிகல்சர், பாரஸ்ட்ரி, அனிமல் ஹஸ்பெண்டரி, வெர்டினரி சயின்ஸ், அக்ரிகல்சுரல் இன்ஜினியரிங், பிஸிகல்சர், அக்ரிகல்சுரல் மார்கெடிங் அண்டு கோஆப்பரேஷன், ஐ.டி., நிர்வாகவியல், சட்டம், பொருளாதாரம் போன்றவற்றில் பட்டப்படிப்பை முடித்தவர்களுக்கு முன்னுரிமை உள்ளது. இத்துடன் தமிழ் மொழியறிவு கட்டாயத் தேவையாகவும், கம்ப்யூட்டர் தொடர்புடைய திறன் கூடுதல் தகுதியாகவும் கருதப்படும் என்று அறிவிக்கப்பட்டுள்ளது. மல்டி பர்பஸ் ஆபிஸ் அஸிஸ்டென்ட் பதவிக்கு விண்ணப்பிக்க ஏதாவது ஒரு பிரிவில் அங்கீகரிக்கப்பட்ட பல்கலைக் கழகத்தின் மூலமாக பட்டப் படிப்பை முடித்திருக்க வேண்டும். இத்துடன் தமிழ் மொழியறிவு கட்டாயத் தேவையாகவும், கம்ப்யூட்டர் தொடர்புடைய திறன் கூடுதல் தகுதியாகவும் கருதப்படும் என்று அறிவிக்கப்பட்டுள்ளது.

தேர்வு முறை:

பல்லவன் கிராம வங்கியின் அதிகாரி மற்றும் அலுவலக உதவியாளர் காலியிடங்கள் எழுத்துத் தேர்வு மற்றும் நேர்காணல் என்ற அடிப்படையில் நிரப்பப்பட உள்ளன. எழுத்துத் தேர்வு கோவை, கடலூர், சேலம், வேலூர் ஆகிய மையங்களில் நடத்தப்படும் என்றும் கூறப்பட்டுள்ளது.

விண்ணப்பக் கட்டணம்:

இந்தப் பதவிகளுக்கு விண்ணப்பிக்க ரூ.300/- கட்டணமாக செலுத்த வேண்டும். இந்தக் கட்டணத்தை செலுத்துவதற்கான சலானை இந்த வங்கியின் இணையதளத்திலிருந்து டவுண்லோடு செய்து பெற வேண்டும். அதன் பின்னர் விண்ணப்பிக்கும் பதவிக்கேற்றபடி கோடு எண்ணைக் குறிப்பிட்டு பல்லவன் கிராம வங்கி அல்லது இந்தியன் வங்கிக் கிளை ஏதாவது ஒன்றில் கட்டணத்தை செலுத்தலாம். முழு விபரங்களுக்கு கட்டாயம் இணையதளத்தப் பார்க்கவும்.

விண்ணப்பிக்கும் முறை:

பல்லவன் வங்கியின் காலியிடங்களுக்கு ஆன்-லைன் முறையில் மட்டுமே விண்ணப்பிக்க முடியும். ஆன்-லைன் முறையில் பதிவு செய்வதால் முதலில் உங்களுக்கான உபயோகத்தில் உள்ள ஒரு இ-மெயில் முகவரி இருப்பதனை உறுதி செய்யவும்.

ஆன்-லைனில் விண்ணப்பிக்க இறுதி நாள்: 13.06.2011.

இணையதள முகவரி: www.pallavangramabank.in

நன்றி: தினமலர்.