தேசிய மின் கழகத்தில் டிப்ளமோ தகுதிக்கான பணிவாய்ப்பு!

பவர் கிரிட் கார்ப்பரேஷன் ஆப் இந்தியா நிறுவனத்தில் இன்ஜினியரிங் டிப்ளமோ முடித்திருப்பவருக்கான பணி வாய்ப்பு அறிவிக்கப்பட்டுள்ளது. மத்திய அரசு நிறுவனமான இதில் மொத்தம் 55 காலியிடங்கள் அறிவிக்கப்பட்டுள்ளன. பொதுவாக தமிழ்நாடு அரசு வேலைகளையும் தனியார் நிறுவன வேலைகளையும் மட்டுமே நம்பியிருக்கும் இன்ஜினியரிங் டிப்ளமோ தகுதியுடையவர்கள் போட்டித் தேர்வுகளுக்காக சில மாதங்கள் தயாரானால் கூட இது போன்ற மத்திய அரசுப் பணி வாய்ப்பைப் பெற முடியும்.

டிப்ளமோ டிரெய்னி: (எலக்ட்ரிகல்)
காலியிடங்கள்: 42

எலக்ட்ரிகல் இன்ஜினியரிங் பிரிவில் டிப்ளமோ படிப்பை குறைந்தது 70 சதவீதத்துடன் முடித்திருக்க வேண்டும். எஸ்.சி., எஸ்.டி., பிரிவினர் பாஸ் செய்திருந்தால் போதும். 31.8.2009 அன்று 27 வயதுக்குள் இருக்க வேண்டும்.


டிப்ளமோ டிரெய்னி: (சிவில்)
காலியிடங்கள்: 13

சிவில் இன்ஜினியரிங் பிரிவில் டிப்ளமோ படிப்பை குறைந்தது 70 சதவீதத்துடன் முடித்திருக்க வேண்டும். எஸ்.சி., எஸ்.டி., பிரிவினர் பாஸ் செய்திருந்தால் போதும். 31.8.2009 அன்று 27 வயதுக்குள் இருக்க வேண்டும்.

விண்ணப்பக் கட்டணம் ரூ.200. பவர் கிரிட் கார்ப்பரேஷன் ஆப் இந்தியா என்ற பெயரில் நாக்பூரில் மாற்றத்தக்க டி.டி.,யாக இது எடுக்கப்பட்டு விண்ணப்பத்துடன் இணைக்கப்பட வேண்டும். இந்தப் பணிக்கும் 31.8.2009 அன்று 27 வயதுக்குள் இருக்க வேண்டும். இரு பணிகளுக்குமே எஸ்.சி., எஸ்.டி., பிரிவினருக்கு 5 ஆண்டுகளும் ஓ.பி.சி., பிரிவினருக்கு 3 ஆண்டுகளும் வயது வரம்பில் தளர்வு தரப்படும்.

பணி ஒப்பந்தம்:

இப்பணிகளுக்காக தேர்வு செய்யப்படுபவர்கள் குறைந்தது 3 ஆண்டுகள் இந்த நிறுவனத்தில் பணி புரிவதான ஒப்பந்தம் ஒன்றில் கையெழுத்திட வேண்டும்.

விண்ணப்பிக்கும் முறை:

இப்பணிக்கான விண்ணப்பப் படிவத்தை www.powergridindia.com தளத்தில் இருந்து டவுண்லோட் செய்து கொள்ளலாம். விண்ணப்பக் கட்டண டி.டி.,யுடன் ஜாதி, பிறந்த தேதி, கல்வித் தகுதிகள், அனுபவம் போன்ற அனைத்துக்குமான சான்றிதழ்களின் அட்டெஸ்டட் நகல்களுடன் விண்ணப்பத்தை அனுப்ப வேண்டும்.


விண்ணப்பிக்கும் முகவரி:

Manager (HR), Power Grid Corporation of India Ltd. ,

WRTS1, Headquarter, Nari Ring Road ,P.O Uppalwadi , Nagpur 440026

விண்ணப்பிக்கக் கடைசி நாள்: அக்டோபர் 5, 2009.

நன்றி: தினமலர்.