பிரசார் பாரதியில் இன்ஜினியரிங் அசிஸ்டன்ட் பணி!

அகில இந்திய வானொலி மற்றும் தூர்தர்ஷனைக் கட்டுப்பாட்டில் கொண்ட பிரசார் பாரதியில் இன்ஜினி யரிங் அசிஸ்டன்ட்டுகளைப் பணியில் சேர்ப்பதற்கான அறிவிப்பு வெளியாகியுள்ளது. இந்தப் பணிக்கு மொத்தம் 128 காலியிடங்கள் உள்ளன. இந்தப் பணிகளுக்கு அரசு நிபந்தனை களுக்குட்பட்டு எஸ்.சி., எஸ்.டி., ஓ.பி.சி., ஆகியோருக்கு இட ஒதுக்கீடும் உள்ளது.

கல்வித் தகுதி:

ரேடியோ, டெலிகம்யூனிகேஷன், எலக்ட்ரிகல், எலக்ட்ரானிக்ஸ், இன்பர் மேஷன் டெக்னாலஜி, எலக்ட்ரிகல் கம்யூனிகேஷன் இன்ஜினியரிங் போன்ற ஏதாவது ஒரு பிரிவில் அரசு அங்கீகாரம் பெற்ற மூன்று வருட டிப்ளமோவை முடித்திருக்க வேண்டும். அல்லது இயற்பியலை ஒரு பாடமாகக் கொண்டு மூன்று வருட பட்டப் படிப்பை முடித்திருக்க வேண்டும். அல்லது மேலே குறிப்பிடப்பட்டுள்ள துறை ஏதாவது ஒன்றில் இன்ஜினியரிங் பட்டப் படிப்பை முடித்திருக்க வேண்டும். அல்லது புனேயிலுள்ள பிலிம் அண்டு டெலிவிஷன் இன்ஸ்டிடியூட் ஆப் இந்தியா வழங்கும் டிப்ளமோ இன் சவுண்டு ரிகார்டிங் அண்டு சவுண்டு இன்ஜினியரிங் படிப்பை முடித்திருக்க வேண்டும். ரேடியோ இன்ஜினியரிங் மற்றும் வயர்லெஸ் தொடர்புடைய திறனிருந்தால் முன்னுரிமை உள்ளது.

வயது வரம்பு:

இந்தப் பதவிக்கு விண்ணப்பிக்க வயது 18 நிரம்பியவராகவும் 27 வயதுக்குட்பட்டவராகவும் இருத்தல் வேண்டும்.

விண்ணப்பக் கட்டணம்:

இந்தப் பதவிக்கு விண்ணப்பிக்க விரும்புபவர்கள் விண்ணப்பத்தை நேரிலோ அல்லது தபால் மூலமோ பெறலாம். நேரில் விண்ணப்பத்தைப் பெற விரும்புபவர்கள் ஏதாவது ஒரு ஸ்டேட் வங்கி மெயின் அலுவலகத்தில் ரூ.100/- ஐ ரொக்கமாகச் செலுத்திப் பெறலாம். எஸ்.சி., எஸ்.டி., பிரிவினர் ரூ.25/- மட்டும் செலுத்தினால் போதுமானது. இதனுடன் கூடுதலாக ரூ.10/- ஐ ஹேண்டிலிங் கட்டணமாகச் செலுத்த வேண்டியிருக்கும். தபாலில் விண்ணப்பத்தைப் பெற பரிந்துரைக்கப்பட்ட கட்டணத்தை டி.டி., யாக எடுத்து விண்ணப்பதாரரின் கையெழுத்துப் பூர்வமான வேண்டுகோளுடன் அனுப்பிப் பெறலாம். டி.டி.,யை "Prasar Bharathi (BCI)" என்ற பெயரில் புது டில்லியில் மாற்றத்தக்கதாக எடுக்கவேண்டும். விண்ணப்பத்தைப் பெறுவதற்கான வேண்டுகோள் கடிதத்தை டி.டி.,யுடன் இணைத்து "Chief Engineer (Training), Staff Training, Institute (Technical), AIR & Doordarshan, Kingsway, Delhi & 110009" என்ற முகவரிக்கு அனுப்பவேண்டும். இந்தக் கடித்தத்துடன் ரூ.32/-க்கு ஸ்டாம்ப் ஒட்டிய சுயவிலாசமிட்ட கவரையும் இணைக்க வேண்டும். பூர்த்தி செய்த விண்ணப்பங்களை இந்தியாவில் உள்ள ஐந்து மண்டல அலுவலகம் ஏதாவது ஒன்றில் இடத்திற்கேற்றபடி சமர்ப்பிக்க வேண்டும். விண்ணப்பத்தை அனுப்பும் கவரின் மீது தவறாமல் "Recruitment of Engineering Assistants & 2010" என்று குறிப்பிட வேண்டும். தமிழகத்திலிருந்து விண்ணப்பிப்பவர்கள் (Zone Code 05 & South Zone) பின் வரும் முகவரிக்கு 02.08.2010க்குள் அனுப்பிவிட வேண்டும்.

பூர்த்தி செய்த விண்ணப்பங்களை அனுப்பவேண்டிய முகவரி:

Chief Engineer (SZ)m, AVM, All India Radio & Doordarshan,
Swami Sivananda Salai, Chennai 600 005.

நன்றி: தினமலர்.