ஆரோக்கிய வாழ்வுக்கான டிப்ஸ்!

by மகி Thu Apr 01, 2010 3:06 am

* தினமும் ஒருமணி நேர நடைப்பயிற்சி உடல் ஆரோக்கியத்துக்கு மிகவும் முக்கியம். அல்லது நீச்சல் பயிற்சி, சைக்கிளில் செல்லலாம்.

*உணவில் காய்கறி, பழங்களை அதிகம் சேர்க்க வேண்டும்.

*இனிப்பான குளிர்பானங்களை தவிர்ப்பது நல்லது. மாவுச்சத்து நிறைந்த அரிசி, கோதுமை உணவுகளை குறைத்துக் கொள்ள வேண்டும்.

* இளநீர், மோர் நிறைய சாப்பிடலாம்.

*இறைச்சியில் மீன் தவிர கொழுப்புச்சத்துள்ள உணவுகளை தவிர்க்க வேண்டும்.

* மனதை இலகுவாக வைத்துக் கொள்வது முக்கியம். யோகா, தியானத்தின் மூலம் படபடப்பு, டென்ஷனை குறைக்கலாம்.

நன்றி: தினமலர்.

by மகி Thu Apr 01, 2010 3:09 am

உணவை வயிறு முட்ட சாப்பிடக்கூடாது. அவசரமாக சாப்பிடாமல், மெதுவாக சாப்பிட வேண்டும். உணவு அளவை குறைக்க வேண்டும். மூன்று வேளை உணவை ஆறு வேளையாக உண்ணலாம். பாஸ்ட் புட், பூரி, எண்ணெய்யில் பொரித்த உணவை தவிர்க்க வேண்டும். ராகி, கேப்பைக்கூழ் போன்றவற்றை, சர்க்கரை நோயாளிகள் சாப்பிடுவதால் விரைவில் சர்க்கரை ஏறி இறங்கிவிடுகிறது. உடனே பசியெடுக்கும் என்பதால் அதுவும் நல்லதல்ல. ஓட்ஸ் போன்றவற்றால் கலோரி அதிகரிக்காது என்பதால் அவற்றை உண்பது நல்லது. அரிசியில் 72, கோதுமையில் 67 சதவீதம் மாவுச் சத்து உள்ளது. எனவே சாதத்தை குறைத்து காய்கறியை அதிகம் எடுத்துக் கொள்ள வேண்டும்.

நன்றி: தினமலர்.

by மகி Thu Apr 01, 2010 3:11 am

ஆரோக்ய வாழ்வு வாழவேண்டுமெனில், மனிதர்களுக்கு எலும்புகள் உறுதியாக இருக்க வேண்டும். கால்சியம் பற்றாக்குறையால், எலும்புகள் வலுவிழந்து காணப்படும். தடுமாறி கீழே விழ நேரிட்டால், எலும்பு முறிவு ஏற்படும். எனவே எலும்புகள் உறுதியாக இருப்பதற்கு கால்சியம் சத்து அதிகமுள்ள உணவுகளை சாப்பிட வேண்டும். கீரை வகைகள், மீன், பால், பாலாடை, தயிர், பேரீச்சை, முட்டையில் கால்சியம் சத்து அதிகமுள்ளது. இவற்றை உணவில் அதிகம் சேர்க்க வேண்டும். கடைகளில் விற்கப்படும் குளிர்பானங்களில் "கார்பனேடட்" முறையில் தண்ணீர் மாற்றப்பட்டிருப்பதால், அவற்றை தொடர்ந்து குடிக்கும் போது எலும்புகள் வலுவிழந்துவிடும். இத்தகைய குளிர்பானங்களை கண்டிப்பாக தவிர்க்க வேண்டும்.

நன்றி: தினமலர்.

by மகி Sun Apr 04, 2010 11:44 pm

* பல் இடுக்குகளில் பாக்டீரியாக்கள் உற்பத்தியாவதை தடுக்க, சாப்பிட்ட பின் வாய் கொப்பளிக்கவும்.

* பற்கள் வலுவின்றி இருந்தால் இனிப்பு பண்டங்களை தவிர்க்கவும்.

* தினமும் காலை, இரவு பல் துலக்க வேண்டும்.

* பல் துலக்க பயன்படுத்தும் பவுடர் அல்லது பேஸ்ட் புளோரைடு கலந்ததாக இருக்க வேண்டும்.

* ஒரே விதமான பேஸ்ட் மற்றும் பவுடரையே பயன்படுத்தவும்.

* பல் கூச்சம், சொத்தை இருந்தால் கண்டிப்பாக டாக்டரிடம் பரிசோதிக்க வேண்டும்.

நன்றி: தினமலர்.

by மகி Sun Apr 11, 2010 8:36 am

* கோடையை சமாளிக்க தினமும் 3 லிட்., தண்ணீர் குடிக்க வேண்டும்.

* நொறுக்கு தீனிக்கு பதில் வெள்ளரிப்பிஞ்சு, திராட்சை உட்பட பழங்களை சாப்பிடலாம்.

* பகல் நேரங்களில் இளநீர், மோர் குடிக்கலாம்.

* ஐஸ்கிரீம், குளிர்பானங்களை தவிர்ப்பது நல்லது.

* பொரித்த உணவுகளை சாப்பிட வேண்டாம்.

நன்றி: தினமலர்.

by மகி Sun Apr 25, 2010 3:34 am

* எப்போதும் நேர்மறையான (பாசிட்டிவ்) எண்ணங்களுடனேயே செயல்பட வேண்டும்.

* எவ்விஷயத்தையும் இயல்பாக எடுத்துக் கொள்வதன் மூலம், மனதை லேசாக வைத்துக் கொள்ளலாம். இதனால் பதட்டம் ஏற்படுவதை தவிர்க்கலாம்.

* தினமும் தவறாமல் யோகா, தியானம், மூச்சுப் பயிற்சிகளில் ஈடுபடுவதன் மூலம் ரத்தக்கொதிப்பு, சர்க்கரை நோயை தவிர்க்கலாம்.

* 35 வயதுக்குப் பின், 'ரெட் மீட்' எனப்படும் எண்ணெயில் பொரித்த இறைச்சி உணவுகளை தவிர்க்க வேண்டும். மீனை குழம்பாக எடுத்துக் கொள்ளலாம்.

* காய்கறி, கீரை, பழங்கள் போன்ற அதிக கலோரி ஏற்படாத உணவுகளை அதிகம் எடுத்துக் கொள்ள வேண்டும்.

* அரிசி, உப்பு, சர்க்கரை, பால், வெண்ணெய், தயிர், முட்டை போன்றவற்றை அதிகம் எடுத்துக் கொள்வதை தவிர்க்க வேண்டும்.

நன்றி: தினமலர்.

by **தென்றல்** Sun Apr 25, 2010 8:34 pm

ந‌ல்ல தகவல் நன்றி ஆரோக்கிய வாழ்வுக்கான டிப்ஸ்! 89145

by மகி Tue May 11, 2010 9:19 am

* ஒரு கிலோ உடம்பு எடைக்கு ஒரு நாளுக்கு 2 கிராம் புரதத்திற்கு மேல் சாப்பிடுவது நல்லதல்ல. அதிகளவு புரதம் பி6 வைட்டமின் பற்றாக்குறையை உண்டாக்கும்.

* மாவு உணவுப் பொருட்களை பொறுத்தவரை ஆரோக்கியமான ஆண்களுக்கு சமைத்த 315 கிராம், பெண்களுக்கு 250 கிராம், நீரழிவு வியாதி உள்ளோருக்கு 185 கிராம் அளவு தினமும் எடுப்பது நல்லது.

* ஆரோக்கிய மனிதர்களுக்கு தினமும் மூன்று லிட்டர் தண்ணீர் தேவை.

* மிகக்குறைந்த அளவில் கொழுப்பை உண்பதும் அல்லது முழுமையாக அதை தவிர்ப்பதும் இருதய நோய்க்கு நாம் வரவேற்பு கொடுப்பது போல ஆகிவிடும். மொத்த உணவில் 20 முதல் 30 சதவீதம் கலோரிகள் வரை கொழுப்பின் அளவு இருக்கலாம்.

* கொழுப்பை முழுவதுமாக தவிர்த்தால் மலச்சிக்கல் உண்டாகும்.

நன்றி: தினமலர்.

by Sponsored content

ஆரோக்கிய வாழ்வுக்கான டிப்ஸ்!

ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!

Re: ஆரோக்கிய வாழ்வுக்கான டிப்ஸ்!