உடனடி செய்திகள்!

by **Admin** Mon Feb 01, 2010 9:09 pm

உடனடி செய்திகளை இத்திரியில் பதியலாம்.

by மகி Tue Feb 02, 2010 4:05 am

முதல்முறையாக 3டியில் விளையாட்டுப் போட்டி நேரடி ஒளிபரப்பு!

உலகிலேயே முதல் முறையாக 3டி தொழில்நுட்பம் மூலம் கால்பந்து விளையாட்டு போட்டி லண்டனில் நேரடி ஒளிபரப்பு செய்யப்பட்டது.

விளையாட்டு அரங்கில் அமர்ந்து பார்ப்பதை விட 3டியில் பார்ப்பது மிகவும் 'த்ரில்லிங்'ஆகவும், தத்ரூபமாகவும் இருப்பதாக ரசிகர்கள் கூறினர்.

ஆர்சினல் மற்றும் மான்செஸ்டர் இடையிலான இந்த போட்டியை சமீபத்திய 3டி தொழில்நுட்பம் மூலம் ஸ்கை ஸ்போர்ட்ஸ் நிறுவனம் பிரிட்டனின் பல்வேறு பகுதிகளில் அமைந்துள்ள ஒன்பது 'பப்'களில் இந்த ஒளிபரப்பை வழங்கியது.

by மகி Fri Feb 05, 2010 3:16 pm

ஐ.ஏ.எஸ்., அதிகாரிகள் வீடுகளில் 'ரெய்டு'

மத்திய பிரதேசம் மற்றும் சட்டீஸ்கர் மாநிலங்களில் ஐ.ஏ.எஸ்., அதிகாரிகளுக்கு சொந்தமான 20 இடங்களில், வருமானவரித் துறையினர் நேற்று திடீரென, "ரெய்டு" நடத்தினர்.தனியார் இன்சூரன்ஸ் நிறுவனம் ஒன்றில் மிகப் பெரிய தொகையை முதலீடு செய்திருப்பதாக வந்த தகவல்களின் அடிப்படையில், மத்திய பிரதேசத்தில் உள்ள மூத்த ஐ.ஏ.எஸ்., அதிகாரியான அரவிந்த ஜோஷி, தற்போது ஐ.ஏ.எஸ்., ஆக இருக்கும் அவர் மனைவி தினு ஜோஷி, ஓய்வு பெற்ற ஐ.ஏ.எஸ்., அதிகாரி எம்.ஏ.கான் ஆகியோருக்குத் தொடர்புடைய 13 இடங்களில், வருமான வரித்துறையினர் நேற்று அதிரடி ரெய்டு நடத்தினர்.சட்டீஸ்கர் மாநிலம் ராய்ப்பூரிலும், ஐ.ஏ.எஸ்., அதிகாரி பாபுலால் அகர்வால் மற்றும் அவரது உறவினர்களுக்கு சொந்தமான ஏழு இடங்களில் ரெய்டு நடத்தப்பட்டது.

by மகி Sat Feb 06, 2010 3:01 am

செம்மண்ணில் கிடந்த ஆஞ்சநேயர் சிலை!

திருச்செந்தூர் அருகே, செம்மண்ணில் புதையுண்டு கிடந்த ஒன்றே கால் அடி உயர ஆஞ்சநேயர் கற்சிலை மீட்கப்பட்டது. திருச்செந்தூர், பரமன்குறிச்சியில் தண்டுபத்து செல்லும் ரோட்டில் ஒரு தோட்டத்தில், செம்மண்ணில் பாதி புதையுண்ட நிலையில் கிடந்த ஒன்றே கால் அடி உயரம், ஐந்து கிலோ எடை கொண்ட ஆஞ்சநேயர் கற்சிலையை அப்பகுதியினர் பார்த்தனர். அதுகுறித்து, அதிகாரிகளுக்கு தகவல் தெரிவிக்கப்பட்டது. தாசில்தார் இளங்கோ, போலீசார் அச்சிலையை மீட்டனர். சிலையை அங்கு வைத்து வழிபட பொதுமக்கள் அனுமதி கோரினர். அதற்கு மறுப்பு தெரிவித்த அதிகாரிகள், சிலையை தாலுகா அலுவலகத்திற்கு கொண்டு வந்தனர். சிலை குறித்து மேல்விசாரணை நடந்து வருகிறது. அதுகுறித்து தொல்லியல் துறைக்கு தகவல் தெரிவிக்கப்பட்டுள்ளது.

by மகி Thu Feb 18, 2010 3:12 pm

பென்னாகரம்-இறுதி வாக்காளர் பட்டியல் வெளியிடப்பட்டது!

பென்னாகரம் தொகுதிக்கான இறுதி வாக்காளர் பட்டியல் இன்று வெளியிடப்பட்டது.

பென்னாகரம் தொகுதியில் இடைத் தேர்தல் நடத்துவதற்கு வசதியாக, வாக்காளர் பட்டியல் சரி பார்க்கப்பட்டது. இந்த நிலையில் அதில் பெருமளவிலான வாக்காளர்கள் விடுபட்டதாக புகார்கள் எழுந்தன. இதையடுத்து மீண்டும் சரிபார்ப்புப் பணி நடந்தது.

இதையடுத்து இறுதி வாக்காளர் பட்டியல் சரி பார்க்கப்பட்டு இன்று வெளியிடப்பட்டது.

திருத்தப்பட்ட வாக்காளர் பட்டியலில் புதிதாக 19,510 பேரின் பெயர்கள் சேர்க்கப்பட்டுள்ளன.

பென்னாகரம் தொகுதியின் ஆண் வாக்காளர்கள் எண்ணிக்கை 1,01,696 பேர். பெண்கள் 96,830 பேர் இடம் பெற்றுள்ளனர். பெண்களை விட ஆண் வாக்காளர்களே அதிகம் உள்ளனர்.

by மகி Fri Feb 19, 2010 9:51 pm

மார்ச் 27ம் தேதி பென்னாகரம் இடைத்தேர்தல்-தேர்தல் ஆணையம் அறிவிப்பு!

பென்னாகரம் தொகுதிக்கு வரும் மார்ச் 27ம் தேதி இடைத் தேர்தல் நடக்கும் என்று தேர்தல் ஆணையம் அறிவித்துள்ளது.

இந்தத் தேர்தலுக்கான வேட்பு மனு தாக்கல் மார்ச் 3ம் தேதி தொடங்கும். மனு தாக்கல் செய்ய கடைசி நாள் மார்ச் 10ம் தேதியாகும்.

வேட்பு மனுக்கள் பரிசீலனை 11ம் தேதி நடைபெறும். மனுக்களை வாபஸ் பெற கடைசி நாள் மார்ச் 13ம் தேதியாகும்.

இதையடுத்து மார்ச் 27ம் தேதி இடைத் தேர்தல் நடக்கும். வாக்கு எண்ணிக்கை மார்ச் 30ம் தேதி நடைபெறும் என்று தலைமைத் தேர்தல் ஆணையம் அறிவித்துள்ளது.

by மகி Fri Feb 19, 2010 10:10 pm

பாகிஸ்தானுடன் பேச்சுவார்த்தை நடத்துவதில் தவறில்லை: ஏ.கே.அந்தோனி!

பாகிஸ்தானுடன் வெளியுறவுச் செயலர்கள் மட்டத்தில் பேச்சுவார்த்தை நடத்துவதில் தவறேதுமில்லை என பாதுகாப்புத் துறை அமைச்சர் ஏ.கே.அந்தோனி தெரிவித்தார்.

பாகிஸ்தானுடன் வெளியுறவுச் செயலர்கள் மட்டத்தில் பேச்சுவார்த்தை நடத்துவதென்பது அரசின் பரிசீலிக்கப்பட்ட முடிவு என்ற அந்தோனி, தற்போது அனைத்தும் பேச்சுவார்த்தை முடிவுகளையே சார்ந்திருக்கிறது என்றார்.

நான் ஜோசியக்காரன் இல்லை என்பதால் பேச்சுவார்த்தையில் என்ன முடிவு ஏற்படும் என்பதைக் கூற இயலாது என்றார் அவர்.
பாகிஸ்தான் எல்லைப் பகுதியில் 32 பயங்கரவாத முகாம்கள் தற்போதும் செயல்பட்டு வருவதாகக் குறிப்பிட்ட அந்தோனி, ஊடுருவல் முயற்சிகளின் எண்ணிக்கையும் இந்த ஆண்டு அதிகரித்துள்ளது என்றார்.

by மகி Mon Feb 22, 2010 3:31 pm

எல்லை பாதுகாப்பு படையில் 30,000 பேரை சேர்க்க அரசு ஒப்புதல்!

எல்லை பாதுகாப்பு படை (பி.எஸ்.எஃப்)-ல் புதிதாக 30ஆயிரம் பேரை சேர்க்க மத்திய அரசு ஒப்புதல் வழங்கியுள்ளது.

பி.எஸ்.எஃப்-ல் புதிதாத 30 ஆயிரம் வீரர்களைக் கொண்ட 29 பட்டாலியன்களை உருவாக்க அரசு ஒப்புதல் வழங்கியுள்ளது. இதில் இந்திய-வங்கதேச எல்லையில் ஆற்றங்கரையோரப் பகுதிகளில் 16 பட்டாலியன்களைச் சேர்ந்தவர்களும், இதர பகுதிகளில் 13 பட்டாலியன் வீரர்களும் பாதுகாப்பு பணியில் சுழற்சி முறையில் ஈடுபடுவார்கள்.

இதுகுறித்து மத்திய அமைச்சர் அஜய் மாகேன் கூறும்போது, புதிய வீரர்கள் சேர்க்கப்படுவதால் எல்லைப் பாதுகாப்பு படையின் ஆற்றலும், சேவையும் அதிகரிக்கும். வீரர்களுக்கு முழுமையான பயிற்சியளித்து எந்த சூழலையும் எதிர்நோக்கும் நிலை உருவாக்கப்படும் என்றார்.

by மகி Mon Feb 22, 2010 11:01 pm

கல்வியை அடிப்படை உரிமையாக்கும் சட்டம்: ஏப்ரல்-1 முதல் அமல்!

கல்வியை அடிப்படை உரிமையாக்கும் சட்டம் ஏப்ரல் 1-ம் தேதி முதல் அமலுக்கு வருகிறது.

இதற்கான அறிவிக்கை வெளியிடப்படுவதாக குடியரசுத் தலைவர் பிரதிபா பாட்டீல் தெரிவித்தார்.

நாடாளுமன்றத்தில் பட்ஜெட் கூட்டத் தொடரின் முதல் நாளான இன்று குடியரசுத் தலைவர் பிரதிபா பாட்டீல் உரை நிகழ்த்தினார். அப்போது அவர் இதைத் தெரிவித்தார்.

by மகி Mon Feb 22, 2010 11:03 pm

சுவிட்சர்லாந்தில் பதுக்கிவைக்கப்பட்டுள்ள கறுப்புப் பணத்தை மீட்க புதிதாக பேச்சுவார்த்தை!

சுவிட்சர்லாந்து வங்கிகளில் பதுக்கி வைத்துள்ள இந்தியாவைச் சேர்ந்த அரசியல்வாதிகள், தொழிலதிபர்களின் கறுப்புப் பணம் தொடர்பான விவரங்களை வெளிக் கொண்டுவர அந்த நாட்டுடன் இந்தியா புதிய பேச்சுவார்த்தையை தொடங்கி உள்ளது.

இத்தகவலை நாடாளுமன்ற அவைகளின் கூட்டுக்கூட்டத்தில் இன்று உரையாற்றிய குடியரசுத்தலைவர் பிரதிபா பாட்டீல் தெரிவித்தார்.

இந்தியாவைச் சேர்ந்த அரசியல்வாதிகள், தொழிலதிபர்கள் உள்ளிட்டோர் சுவிட்சர்லாந்தில் உள்ள வங்கிகளில் பதுக்கிவைத்துள்ள கறுப்புப்பணத்தின் மதிப்பு 1 லட்சம் கோடி டாலருக்கு மேல் இருக்கும் என்று கூறப்படுகிறது.

by மகி Mon Feb 22, 2010 11:07 pm

ஜெயலலிதா - வைகோ சந்திப்பு!

அதிமுக பொதுச்செயலர் ஜெயலலிதாவை மதிமுக பொதுச்செயலர் வைகோ இன்று நேரில் சந்தித்துப் பேசினார்.

பென்னாகரம் இடைத்தேர்தல் குறித்து அவர்கள் விவாதித்ததாக கூறப்படுகிறது.

by மகி Thu Feb 25, 2010 9:44 pm

சச்சினுக்கு முதல்வர் பாராட்டு!

சர்வதேச ஒருநாள் கிரிக்கெட் போட்டியில் இரட்டைச் சதமடித்த முதல் கிரிக்கெட் வீரர் என்ற பெருமையைப் பெற்றுள்ள சச்சின் டெண்டுல்கருக்கு முதல்வர் கருணாநிதி பாராட்டு தெரிவித்துள்ளார்.

பாராட்டு தெரிவித்து சச்சினுக்கு முதல்வர் தந்தி அனுப்பியுள்ளார்.

குவாலியரில் நடைபெற்ற ஒருநாள் கிரிக்கெட் போட்டியில் இரட்டைச் சதமடித்து உலக சாதனை புரிந்துள்ள உங்களுக்கு தமிழக மக்களின் சார்பாக வாழ்த்து தெரிவித்துக் கொள்கிறேன் என முதல்வர் அனுப்பியுள்ள தந்தியில் குறிப்பிட்டுள்ளார். முந்தைய சாதனைகளை முறியடித்துள்ளதில் பெருமகிழ்ச்சி அடைவதாகவும் முதல்வர் தனது வாழ்த்துச் செய்தியில் தெரிவித்துள்ளார்.

by மகி Thu Feb 25, 2010 9:52 pm

பெ‌ன்னாகர‌த்த‌ி‌ல் அ.இ.அ.‌தி.மு.க.வு‌க்கு மா‌‌ர்‌க்‌சி‌ஸ்‌ட் க‌ம்யூ‌னி‌ஸ்‌ட் ஆதரவு!

பெ‌ன்னாகர‌ம் ச‌ட்ட‌‌ப்பேரவை தொ‌கு‌தி‌யி‌ல் போ‌ட்டி‌யிடு‌ம் அ.இ.அ.‌தி.மு.க. வே‌ட்பாளரை ஆத‌ரி‌‌த்து மா‌ர்‌க்‌சி‌ஸ்‌ட் க‌ம்யூ‌னி‌ஸ்‌ட் க‌ட்‌சி ‌பிர‌‌ச்சார‌ம் செ‌ய்யு‌ம் எ‌ன்று க‌ட்‌சி‌யி‌ன் மா‌நில‌த் தலைவ‌ர் ராம‌கிரு‌ஷ்ண‌ன் தெ‌ரி‌வி‌த்து‌ள்ளா‌ர்.

தனது சொ‌ந்த மேடை‌யி‌ல் இரு‌ந்து அ.இ.அ.‌தி.மு.க.வு‌க்கு ‌பிரசார‌ம் செ‌ய்வோ‌ம் எ‌ன்று‌ம் கூ‌றியு‌ள்ளா‌ர்.

மேலு‌ம் அ.இ.அ.‌தி.மு.க. வே‌ட்பாள‌ர் வெ‌ற்‌றி‌க்கு மா‌ர்‌க்‌சி‌ஸ்‌ட் க‌‌ட்‌சி பாடுபடு‌ம் எ‌ன்று‌ம் ராம‌கிரு‌ஷ்ண‌ன் தெ‌‌ரி‌வி‌த்து‌ள்ளா‌ர்.

by Sponsored content

உடனடி செய்திகள்!

உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!

Re: உடனடி செய்திகள்!