எனக்குத் தலையைச் சுத்துது சார்......

ஒருவர் : வாங்க, வாங்க!

மற்றவர் : உங்கள் வீட்டில் ஒரு போர்ஷன் காலியாக இருக்கிறதாமே!

ஒருவர் : இந்தச் சாக்கிலாவது என்னைப் பார்க்க வந்தீர்களே!

மற்றவர்: சாக்கில் வரவில்லை! ஆட்டோவில் தான் வந்தேன்!


************************************


பசி தீர்க்கும் ஊர்கள் இரண்டு சொல்லுங்கள்?

பூரி, சோத்துப்பாக்கம்!


************************************


சீப்புக்கும் வாழைப்பழத்து தோலுக்கும் ஓர் ஒற்றுமை. அது என்னன்னு சொல்லுங்க பார்ப்போம்!

தெரியாது!

சீப்பு தலை வாரும்; வாழைப்பழத் தோல் காலை வாரும்.


************************************


பூமி தன்னைத்தானே சுத்தி சூரியனைச் சுத்துமா? இல்ல சூரியன் தன்னைத்தானே சுத்தி பூமியைச் சுத்துமா?

மாணவன் : எனக்குத் தலையைச் சுத்துது சார்.


************************************


ராஜா : பக்கத்து வீட்டுக்காரன் ஓசிப் பேப்பர் கேட்கறான்னு பேப்பரை நிறுத்தியது தப்பாப் போச்சு.

காஜா : ஏன்?

ராஜா : இப்ப நியூஸ் கேட்டுட்டுத் தாரேன்னு டி.வி.ஐ ஓசி கேட்கிறான்பா.


************************************


வக்கீல் : கொலை எங்கே நடந்தது?

சாட்சி : திருப்பதியிலே சார்.

வக்கீல் : இப்படி மொட்டையா சொன்னா எப்படி?


************************************


பெரியசாமி : எங்க தலைவர் ஒரு திறந்த புத்தகம் மாதிரி.

சின்னசாமி : ஓ! அதுதான் நேத்து ரோட்டிலே போட்டு ஆளாளுக்குப் புரட்டி எடுத்தாங்களா?


************************************


ரமேஷ் : எத்தனை பெரிய ஆபத்து வந்தாலும் யானை, குதிரை எல்லாம் கத்தாது.

சுரேஷ் : ஏன்?

ரமேஷ் : யானை பிளிறும்! குதிரை கனைக்குமே!


************************************


தாமு : பல் ஆஸ்பத்திரிக்கு எப்படிப் போகணும்.

ராமு : சொத்தையோட போகணும்


************************************


உமா : நான் புதுசா ஒரு பாட்டு எழுதினேன்

பாமா : எதை வைத்து?

உமா : பேனாவை வைத்து தான் எழுதினேன்!


************************************


விஜய் : கொக்கு ஏன் ஒத்தக்கால்லே நிக்குது?

அஜய் : இன்னொரு காலைத் தூக்கினால் கீழே விழுந்துடுமே அதுதான்.


************************************


ரேணு : அவங்க ரெண்டு பேருக்குள்ளே என்ன சண்டை.

பானு : அவங்களுக்குள்ளே ஆயிரம் இருக்கும்.

ரேணு : அப்ப ஆளுக்கு ஐநூறா பிரிச்சுக்க வேண்டியதுதானே!


************************************


கரண் : கழுதைக்குப் பிடித்த ரொட்டி எது?

கிரண் : தெரியலியே?

கரண் : சுவரொட்டி - தான்.

அருமை.