நெல் அறுவடைக்குப் பின் செய்ய வேண்டிய நேர்த்தி தொழில்நுட்பங்கள்

விருத்தாசலம்: நெல் அறுவடைக்குப் பின் செய்ய வேண்டிய நேர்த்தி தொழில்நுட்ப முறைகள் குறித்து வேளாண்மை துணை இயக்குநர் அறிக்கை வெளியிட்டுள்ளார். இதுகுறித்து வேளாண்மை துணை இயக்குநர் நா.தனவேல் தெரிவித்தது: கடலூர் மாவட்டத்தில் தற்பொழுது நெல் அறுவடைக்கு தயாரான நிலையில் உள்ளதால், விவசாயிகள் கீழ்கண்ட, அறுவடைக்குப் பின் செய்ய வேண்டிய நேர்த்தி தொழில்நுட்பங்களை கடைபிடித்து கூடுதல் வருவாய் பெறுமாறு கேட்டுக்கொள்ளபடுகிறது. நெல் ரகங்களின் வயதுக்கேற்றவாறு பயரின் அறுவடையை உரிய காலத்தில் மேற்கொள்ள வேண்டும். நெல் கதிரின் மணிகள் 80 சதவீதம் மஞ்சள் நிறமாக மாறி இருந்தாலே அறுவடையை மேற்கொள்ளலாம். இதனால் மணிகள் உதிர்வதைத் தவிர்க்கலாம். அறுவடையின்போது 19 முதல் 23 சதவீதம் ஈரப்பதம் இருக்க வேண்டும். முதிர்ந்த நெல் மணிகளின் அரிசி கடுமையானதாகவும், உறுதியாகவும் இருக்கும். அறுவடை செய்த நெல்லை நன்றாக தூய்மைபடுத்த வேண்டும். அதிக சூரிய வெப்பத்தில் நெல்லை காய வைக்கக்கூடாது. காயவைத்த நெல்லின் ஈரப்பதம் 12 சதவீதத்துக்குள் இருக்க வேண்டும். அதிக ஈரப்பதமுள்ள நெல் மணிகளைச் சேமித்து வைத்தால் பூஞ்சாண வித்துக்கள் பரவி நெல்லின் தரம் பாதிக்கப்படும். நெல்லை சுத்தமான கோணிப்பைகளில் நிரப்பி தரையின் மீது மரச்சட்டங்கள் அல்லது காய்ந்த வைக்கோல் பரப்பி அதன் மேல் மூட்டைகளை அடுக்கி வைக்க வேண்டும். நெல் மூட்டைகளை சுவரிலிருந்து ஒரு அடி இடைவெளிவிட்டு அடுக்கு வைத்தால் சுவற்றின் ஈரப்பதம் நெல் மணிகளைத் தாக்காது. சேமித்து வைத்துள்ள நெல்லில் அந்துப்பூச்சி தாக்காமலிருக்க மாலத்தியான் மருந்தை ஒரு லிட்டர் நீருக்கு 10 மில்லி மருந்து என்ற அளவில் கலந்து தரைப்பகுதி மற்றும் மூட்டைகளின் மீது தெளிக்க வேண்டும். பூச்சிகள், பூஞ்சாணங்கள் தாக்கப்பட்ட நெல் மற்றும் ஈரப்பதத்தால் கெட்டுப் போன நெல்லை தனியாக பிரித்து விட வேண்டும். விளைபொருள்களுக்கு விவசாயிகள் எதிர்பார்க்கும் விலை கிடைக்காதபோது அவற்றினை இருப்பு வைக்க ஒழுங்குமுறை விற்பனைக் கூடங்களில் கிட்டங்கி வசதி உள்ளது. இருப்பு வைக்கும் பட்சத்தில் உடனடி பணத்தேவைக்கு பொருளீட்டு கடன் பெற வசதி உள்ளது. நல்ல விலை கிடைக்கும்போது விற்பனை செய்து கொள்ளலாம் என தெரிவித்துள்ளார்.

பகிர்வுக்கு மிக்க நன்றி.

பயனுள்ள தகவல்களை தந்தமைக்கு நன்றி!
மேலும் அந்து பூச்சி தாக்கத்தை குறைக்க இயற்க்கை முறையில் ஏதேனும் வழி இருந்தால் கூறுங்கள்.

எங்கள் ஊர் பக்கங்களில் நொச்சி இலையை நெல்லுடன் கலந்து மூட்டையாக கட்டி வைப்போம்.

சரவணன் wrote:பயனுள்ள தகவல்களை தந்தமைக்கு நன்றி!
மேலும் அந்து பூச்சி தாக்கத்தை குறைக்க இயற்க்கை முறையில் ஏதேனும் வழி இருந்தால் கூறுங்கள்.

எங்கள் ஊர் பக்கங்களில் நொச்சி இலையை நெல்லுடன் கலந்து மூட்டையாக கட்டி வைப்போம்.

வணக்கம் சரவணன் ஐயா.

தங்களைப் பற்றி சிறு அறிமுகத்தை உறுப்பினர் அறிமுகம் பகுதியில் கொடுங்கள்.

நன்றி.

மகி wrote:

சரவணன் wrote:பயனுள்ள தகவல்களை தந்தமைக்கு நன்றி!
மேலும் அந்து பூச்சி தாக்கத்தை குறைக்க இயற்க்கை முறையில் ஏதேனும் வழி இருந்தால் கூறுங்கள்.

எங்கள் ஊர் பக்கங்களில் நொச்சி இலையை நெல்லுடன் கலந்து மூட்டையாக கட்டி வைப்போம்.

வணக்கம் சரவணன் ஐயா.

தங்களைப் பற்றி சிறு அறிமுகத்தை உறுப்பினர் அறிமுகம் பகுதியில் கொடுங்கள்.

நன்றி.

சொல்றாப்ல பெருசா ஒன்னும் இல்ல சார். உங்க விருப்பத்துக்காக அறிமுகம் செய்துக்குறேன். நன்றி!