ரஜினியின் ராணா படத்தில் கிடைத்த வில்லன் வாய்ப்பு: சோனு சூட் பேட்டி

0digg
9Share
rajini-sonu_sood

உலகம் முழுவதும் உள்ள ரஜினி ரசிகர்களிடையே இரண்டு எதிர்பார்ப்புகள் நிலவி வருகிறது. ஒன்று, உடல் நலம் குன்றிய ரஜினி விரைவில் பூரண நலம் பெற வேண்டும். இரண்டாது, அவர் மூன்று வேடத்தில் நடிக்கும் ‘ராணா’ விரைவில் திரைக்கு வரவேண்டும்.

அப்படத்தில் வில்லனாக நடிக்கும் பிரபல பாலிவுட் நடிகரான சோனு சூட்டும் இதே எதிர் பார்ப்பினைக் கொண்டிருக்கிறார். இவர் ஒரு ஆங்கில நாளிதழுக்கு அளித்த பேட்டியில் கூறியிருப்பதாவது;

“சூப்பர் ஸ்டார் ரஜினிகாந்தின் பரம விசிறி நான். அவருடன் ‘சந்திரமுகி’படத்தில் சிறு வேடத்தில் நடித்திருக்கிறேன். இரு மாதங்களுக்கு முன்பு மும்பை வந்த ரஜினிகாந்த் திடீரென்று எனக்கு அழைப்பு விடுத்தார். அவரை சந்தித்த போது ‘ராணா’ படத்தில் நீதான் வில்லனாக நடிக்க வேண்டும் என்றார்.

எனக்கு மகிழ்ச்சியில் தலை, கால் புரியவில்லை. என்ன கதை என்று கூட கேட்காமல் உடனே நடிக்கிறேன் சார் என்றேன். ராணா படத்திற்காக முதலில் ஒப்பந்தமாகும் நடிகர் நீதான் என்றார் ரஜினி. அதன் பிறகே கே.எஸ். ரவிக்குமார் சார் என்னிடம் கதையின் அவுட் லைன் சொன்னார்.

ரஜினி சார் உடல்நலம் குறித்து அவரது குடும்பத்தினருடன் பேசி வருகிறேன். அவர் விரைவாக குணமடைந்து கொண்டிருக்கிறார். அவர் ராணா படத்தை ஆரம்பித்ததும், மும்பையில் எந்த வேலையாக இருந்தாலும் அதை அப்படியே நிறுத்தி விட்டு, உடனே சென்னைக்கு பறந்து வந்து விடுவேன்’’ என்று தனது பேட்டியில் குறிப்பிட்டிருக்கிறார் ‘அருந்ததி’படத்தின் வில்லனான சோனு சூட்.

பணம் படுத்தும் பாடு .