தோல்வி அப்செட்: அப்டேட்டை நிறுத்தியது கலைஞர் டிவி-மானாட மயிலாட ஒளிபரப்பு!!

by **B.G.துர்கா தேவி** Fri May 13, 2011 10:31 pm

தோல்வி அப்செட்: அப்டேட்டை நிறுத்தியது கலைஞர் டிவி-மானாட மயிலாட ஒளிபரப்பு!!

தோல்வி அப்செட்: அப்டேட்டை நிறுத்தியது கலைஞர் டிவி-மானாட மயிலாட ஒளிபரப்பு!!

சென்னை: அதிமுக அணி மிகப் பெரிய வெற்றியை நோக்கி முன்னேறத் தொடங்கியதைத் தொடர்ந்து திமுகவின் கலைஞர் டிவி தனது தேர்தல் முடிவுகள் குறித்த சிறப்பு ஒளிபரப்பை அப்படியே நிறுத்தி விட்டது.

அதற்குப் பதில் தற்போது மானாட மயிலாட நிகழ்ச்சியின் மறு ஒளிபரப்பை ஒளிபரப்பி வருகிறது.

சட்டசபைத் தேர்தல் முடிவுகள் அதிமுக அணிக்கு சாதகமாக மாறியுள்ளது. திமுக ஆட்சியை இழக்கிறது. அதிமுக மீண்டும் ஆட்சியைப் பிடிக்கிறது. அதுவும் தனிப் பெரும்பான்மையுடன்!

இதனால் அக்கட்சியினர் பெரும் உற்சாகமடைந்துள்ளனர்.

அதேசமயம், திமுகவினர் மத்தியில் பெரும் அதிர்ச்சியும், சோகமும் பரவியுள்ளது. இது திமுகவின் அதிகாரப்பூர்வ டிவியான கலைஞர் டிவியிலும் இன்று எதிரொலித்தது.

தேர்தல் முடிவு குறித்த சிறப்பு நிகழ்ச்சியை ஒளிபரப்பி வந்த கலைஞர் டிவி ஆரம்பத்தில் உற்சாகமாக அதை ஒளிபரப்பியது. ஆனால் அதிமுக மற்றும் அதன் கூட்டணிக் கட்சிகளுக்கு அடுத்தடுத்து லீடிங் கிடைக்க ஆரம்பித்ததைத் தொடர்ந்து கலைஞர் டிவியின் அப்டேட்டில் தொய்வு ஏற்பட்டது. அதிமுக அணி 100 இடங்களைத் தாண்டியதும் அப்டேட்டை சுத்தமாக நிறுத்தி விட்டது.

தற்போது ஜோடிகள் நடனமாடும் போட்டி நிகழ்ச்சியான மானாட மயிலாட நிகழ்ச்சியை கலைஞர் டிவி ஒளிபரப்பி வருகிறது!!

அழுது வடியும் சன் டிவி…

சன் டிவியோ தன் பங்குக்கு தமிழக தேர்தல் குறித்த விவாதங்கள் எதையும் ஒளிபரப்பவில்லை. மேற்கு வங்கத்தில் ஆட்சியை ஏன் இழந்தது கம்யூனிஸ்ட் என்று விலாவாரியாக கேட்டு வருகிறார் தேர்தல் சிறப்பு ஒளிபரப்பை நடத்தும் வீரபாண்டியன்.