உற்சாகமாய் ஷாப்பிங் செல்ல இதோ சில டிப்ஸ்.

உற்சாகமாய் ஷாப்பிங் செல்ல இதோ சில டிப்ஸ்.

உங்கள் பைக் ஹெல்மெட் அல்லது பெரிய பை போன்றவற்றை உடன் இழுத்துச் செல்லாதீர்கள். சிரமமின்றி ஷாப்பிங் செய்ய இது உதவும்.

* ஷாப்பிங் செல்லும் சமயங்களில் (அதிக பணம் செலவழிக்காமல்) சிறு சிறு பரிசுப் பொருள்களை வாங்கி சேமியுங்கள். வீடுகளுக்கு வரும் வாண்டுகள் அல்லது விருந்தினர்களுக்கு திடீர் பரிசு கொடுத்து அசத்தலாம்.

* வாங்க வேண்டிய பொருள்களை பட்டியல் போட்டு எடுத்துச் செல்லுங்கள். சில சமயங்களில் வாங்க வேண்டியதைத் தவிர மற்ற பொருள்களை வாங்கி பர்சை காலியாக்கிவிடுவீர்கள்.

* ஆடைகளைப் பொருத்தவரை, நீங்கள் இப்போது உள்ள அளவைத் தேர்ந்தெடுங்கள். இன்னும் சில தினங்களில் மெலிந்துவிடுவேன். அதனால் சிறிய அளவை வாங்க வேண்டும் என்ற எண்ணத்தைத் தவிர்த்து விடுங்கள்.

* உங்களுக்கு கச்சிதமாகப் பொருந்தும் ஒன்றிரண்டு ஆடைகளைப் பார்த்தால், தயங்காமல் வாங்கி விடுங்கள். அடுத்தமுறை வாங்கிக் கொள்ளலாம் என்று விட்டுவிட்டால், சில சமயங்களில் அது கிடைக்காமலே போய்விடும்.

* பசியில் இருக்கும்போது ஷாப்பிங்குக்குச் செல்ல வேண்டாம் என்கிறது உளவியல். பசியின்போது சென்றால் பார்க்கும் தின்பண்டங்களை எல்லாம் வாங்கச் சொல்லுமாம் மனசு. அதனால் நன்றாக ஒரு பிடி பிடித்துவிட்டு செல்லுங்கள்.

* இவ்வளவு பணம்தான் செலவழிக்க வேண்டும் என்று திட்டமிட்டுச் செல்லுங்கள். அதற்கு அதிகமாகப் போனால் தேவையற்றது என்று தோன்றுவதைக் குறைத்துவிடுங்கள். திட்டமிடாமல் சென்றால் கையில் இருக்கும் அனைத்தும் காலியாகிவிடும்.

* மக்கள் கூட்டம் அதிகம் இல்லாத நேரங்களை ஷாப்பிங்குக்காக தேர்ந்தெடுங்கள்.
* மற்ற நிறுவனத்தின் பொருள்களுடன் அதன் விலை,
* மற்ற நிறுவனத்தின் பொருள்களுடன் அதன் விலை, அதில் உள்ளடங்கிய
பொருள்கள் எவை என்பதையும் ஒப்பிட்டு வாங்குங்கள்.

* உங்கள் குழந்தைகள் பள்ளிக்குச் சென்ற பிறகு ஷாப்பிங்கை தொடங்குங்கள்.
தேவையில்லாத நொறுக்குத் தீனிகள், வீடியோ கேம்ஸ் கேசட்டுகள் போன்ற பண விரயத்தைத் தடுக்கலாம்.
* இளம் பெண்கள் என்றால், சும்மா ஷாப்பிங் செல்வோம் என்று தோன்றும்போது, யாராவது பெரியவர்களை உடன் அழைத்துச் செல்லுங்கள். உங்கள் பண விரயத்துக்கு அவ்வப்போது தடா போட்டுக் கொண்டே இருப்பார்கள்.