இங்கிலாந்துடன் டிரா செய்தது யு.எஸ்.!

by மகி Sun Jun 13, 2010 11:23 pm

ரஸ்டன்பர்க் மைதானத்தில் நேற்று நடைபெற்ற முக்கிய உலகக் கோப்பைக் கால்பந்து ஆட்டத்தில் இங்கிலாந்து, அமெரிக்க அணியுடன் மோதியது. பல வாய்ப்புகளை கோட்டைவிட்ட இங்கிலாந்து கடைசியில் 1- 1 என்ற கோல் கணக்கில் டிரா மட்டுமே செய்ய முடிந்தது.

ஆனால் இங்கிலாந்தின் இந்த நிலைமைக்குக் காரணம் இங்கிலாந்து கோல்கீப்பர் ராபர்ட் கிரீன், அமெரிக்க வீரர் கிளின்ட் டெம்ப்சே அடித்த ஷாட்டை மிக மோசமாக தன் விரல் வழியே வழியவிட்டு அது கோலாக மாறியது. இது பெரிய சர்ச்சைக்குள்ளானது. ஏனெனில் இங்கிலாந்து பயிற்சியாளர் கபெல்லோவின் செல்லப்பிள்ளையான கிரீன் இந்த கோலை கோட்டை விட்டது தற்போது கப்பெல்லோவின் தேர்வின் மேல் அந்கேகங்களை எழுப்பியுள்ளது.

முதலில் இங்கிலாந்து கேப்டன் ஸ்டீவன் ஜெரார்ட் அபாரமாக விளையாடி முன்னுதாரணமாகத் திகழ்ந்தார். முதல் கோலையும் அடித்தார்.

ஜெரார்ட், லாம்பார்ட் ஆகியோர் நன்றாக விளையாட இங்கிலாந்து ஆதிக்கம் செலுத்தியது. ஆனால் ஒரு கோலுக்கு மேல் இங்கிலாந்தின் ஆட்டம் சோபிக்கவில்லை.

அமெரிக்க கோல் ஒரு அதிர்ஷ்டம்தான் என்றாலும் அதற்கு இங்கிலாந்தின் அணுகுமுறைத்தான் குறை கூற வேண்டும். ஏனெனில் தடுப்பாட்டக்காரர்கள் கோலுக்கு அருகில் இருந்து கொண்டிருந்ததால் அமெரிக்க வீரர்கள் சுலபத்தில் உள்ளே நுழைய முடிந்தது.நிறைய ஷாட்களை கோல் நோக்கி அடிக்க முடிந்தது.

ஏரோன் லென்னானும், நட்சத்திர வீரரான ரூனியும் இரண்டாவது பாதியில் மிகச் சுருக்கமான அச்சுறுத்தலை நிகழ்த்தினர். மொத்தத்தில் இங்கிலாந்துக்கு இது நல்ல துவக்கமாக அமையவில்லை.

நன்றி: வெப்துனியா.