எஸ்.எஸ்.எல்.சி. தேர்வில் தேர்ச்சி பெறாதவர்களுக்கும் ரூ.100 உதவித்தொகை!

சட்டசபையில் நேற்று தொழிலாளர் நலத்துறை மானிய கோரிக்கை மீதான விவாதத்துக்கு பதில் அளித்து அமைச்சர் தா.மோ. அன்பரசன் பேசியதாவது:-

கடந்த அ.தி.மு.க. ஆட்சி, அரசுத்துறையில் உருவான காலிப்பணியிடங்களை நிரப்பாமல், பணி நியமன தடைச்சட்டத்தை கொண்டு வந்து இளைஞர்களின் வாழ்வை சீரழித்தது. அந்த இருண்ட சட்டத்தை நீக்கி, இளைஞர்களின் வாழ்வில் ஒளி ஏற்றி வைத்தவர் முதல்- அமைச்சர் கலைஞர்தான்.

கடந்த 4 ஆண்டு கால கலைஞர் ஆட்சியில், வேலை வாய்ப்பு அலுவலகங்கள் மூலம் 1,14,338 நபர்களுக்கும், அரசு பணியாளர் தேர்வு வாரியம் மற்றும் சீருடைப் பணியாளர் வாரியம் மூலம் 38,480 நபர்களுக்கும், தொகுப்பூதியத்தில் பணி யாற்றியவர்களை காலமுறை ஊதியத்தில் அமர்த்திய வகையில் 3,02,517 நபர்களுக் கும், கருணை அடிப்படையில் 10,413 நபர்களுக்கும், ஆக மொத்தம் 4,65,748 பேர்களுக்கும், அரசு பணிகளில் வேலை அளித்தவர் முதல்-அமைச்சர் கலைஞர்தான்.

வேலைவாய்ப்பு அலுவலகங்களில் பதிவு செய்து, வேலைக்காக காத்திருக்கும் வேலை வாய்ப்பற்ற இளைஞர்களின் துயரினை துடைக்கும் வகையில், கடந்த 4 ஆண்டு களில் 261 கோடி ரூபாய் உதவித்தொகையை முதல்-அமைச்சர் கலைஞர் வழங்கி உள்ளார்.

மேலும் 60 கோடி ரூபாய் ஒதுக்கீடு செய்துள்ளார். வேலைவாய்ப்பு அளிக்கும் பணிகள் வேகமாக நடைபெற தமிழகத்தில் உள்ள அனைத்து வேலைவாய்ப்பு அலுவலகங்களும், கணினி வழியே ஒருங்கிணைக்க, 2 கோடியே 90 லட்சம் ரூபாய் மதிப்பில், எல்காட் நிறுவனம் மூலம் பணிகள் நடைபெற்று வருகிறது.

அண்ணா பிறந்தநாளான வரும் செப்டம்பர் 15-ஆம் தேதி வேலைவாய்ப்பு அலுவலகங் கள், கணினி வழியே ஒருங்கிணைக்கப்படும்.

வே¬வாய்ப்பு அலுவலகங்களில் பதிவு செய்துள்ளவர்கள் தங்கள் பதிவை புதுப்பிக்காமல் விட்டு விட்டதால், பணி வாய்ப்பினை இழந்துவிட்டனர்.

அத்தகைய இளைஞர்களுக்கு பணி வாய்ப்பினை நழுவ விடாமல் மீண்டும் வழங்குவதற்காக, கடந்த 4 ஆண்டுகளில் கலைஞர் அரசு வழங்கிய புதுப்பித்தல் சலுகையினால், இதுவரை 4,57,259 இளைஞர்கள் பயன் பெற்றுள்ளனர்.

தற்போது மீண்டும் 2006 முதல் டிசம்பர் 2009 வரை வேலைவாய்ப்பு அலுவலகங்களில் பதிவினை புதுப்பிக்க தவறியவர்களுக்கு, புதுப்பித்துக் கொள்ள சிறப்பு சலுகை வழங்கப்படும். இதனால் சுமார் 1 லட்சத்து 50 ஆயிரம் பதிவு தாரர்கள் பயன் அடைவார்கள்.

வேலை வாய்ப்பற்ற இளைஞர்களுக்கான உதவித்தொகை வழங்கும் திட்டத்தை, 10-ஆம் வகுப்பு தேர்வில் தவறியவர்களுக்கும் உதவிடும் வகையில் மாதம் 100 ரூபாய் வீதம் உதவித்தொகை வழங்கப்படும்.

தொழிற்சாலைகள் பெருகி வரும் காஞ்சிபுரம் மாவட்டம் ஸ்ரீபெரும்புதூரில் புதிய அரசினர் தொழிற்பயிற்சி நிலையம் துவங்கப்படும்.

தொழிலாளர் நல வாரியங்களில், உறுப்பினர்களாக உள்ள குடும்பத்திற்கு இதுவரை வழங்கப்பட்டு வந்த திருமண நிதிஉதவி ரூ.2 ஆயிரத்தை இனி, ஆண்களுக்கு ரூ.3 ஆயிரம் என்றும், பெண்ணுக்கு ரூ.5 ஆயிரம் என்றும் உயர்த்தி வழங்கப்படும்.

வாரியங்களில் பதிவு பெற்ற தொழிலாளர்கள் ஓய்வூதியம் பெறுவதற்கு குறைந்தபட்சம் 60 வயது பூர்த்தி அடைந்தவராகவும், 5 ஆண்டுகள் தொடர்ந்து உறுப்பி னராகவும் இருக்க வேண்டும் என்பதை தளர்த்தி 3 ஆண்டுகள் உறுப்பினராக இருந்தால் ஓய்வூதியம் வழங்கப்படும்.

காஞ்சீபுரம் மாவட்டம் செங்கல்பட்டில், தமிழ்நாடு கட்டுமான பயிற்சிக்கழகம் இந்த ஆண்டு தொடங்கப்பட உள்ளது. தமிழகத்தில் உள்ள இளைஞர்களுக்கு ஐ.டி.ஐ. மூலம் குறுகிய கால தொழிற்பயிற்சி அளித்து இந்த ஆண்டு முதல் லட்சக்கணக்கில் பயிற்சி பெற்ற இளைஞர்களை உருவாக்க இந்த அரசு முனைப்புடன் செயல்பட்டு வருகிறது.

கடந்த அ.தி.மு.க. ஆட்சியில் அமைப்பு சாரா தொழிலாளர் நல வாரியங்கள் சீரழிக்கப்பட்டு தொழிலாளர்கள் பெரிதும் பாதிக்கப்பட்டனர். மேலும், இந்த வாரியங்கள் சிறப்பாக செயல்பட கடந்த 4 ஆண்டு களில் மட்டும் முதல்-அமைச் சர் கலைஞர் 128 கோடி ரூபாய் நிதி அளித்ததோடு இந்த நிதி ஆண்டில் ரூ.50 கோடி ஒதுக்கி தந்துள்ளார்.

ஆனால் முந்தைய 5 ஆண்டு கால அ.தி.மு.க. ஆட்சியில் இந்த வாரியங்கள் செயல்பட எந்த நிதியையும் மானியமாக ஒதுக்கவில்லை.

இவ்வாறு தா.மோ. அன்பரசன் கூறினார்.

நன்றி: மாலை மலர்.