ஐ.பி.எல். கிரிக்கெட்: ராஜஸ்தான் அணி பஞ்சாப்பை வீழ்த்தியது!

by மகி Thu Apr 08, 2010 4:38 am

3-வது ஐ.பி.எல். 20 ஓவர் கிரிக்கெட் போட்டி இந்தியாவின் 12 நகரங்களில் விறுவிறுப்பாக நடந்து வருகிறது. இதில் 8 அணிகள் பங்கேற்றுள்ளன.

ஒவ்வொரு அணியும் மற்ற அணிகளுடன் தலா 2 முறை மோத வேண்டும். லீக் சுற்று முடிவில் அதிக புள்ளிகள் பெறும் முதல் 4 அணிகள் அரைஇறுதிக்கு தகுதி பெறும்.

இந்த நிலையில் நேற்று இரவு ஜெய்பூரில் நடந்த போட்டியில் ராஜஸ்தான் ராயல்ஸ்-கிங்ஸ் லெவன் பஞ்சாப் அணிகள் மோதின. டாஸ் வென்று முதலில் பேட்டிங் செய்த பஞ்சாப் அணி 20 ஓவர்களில் 6 விக்கெட் இழப்புக்கு 153 ரன்கள் எடுத்தது.

அதிகபட்சமாக ஜெயவர்த்தனே 33 பந்துகளில் 6 பவுண்டரி, 1 சிக்சருடன் 44 ரன்களும், யுவராஜ் சிங் 16 பந்துகளில் 1 பவுண்டரி, 3 சிக்சருடன் 28 ரன்களும் எடுத்தனர்.

அடுத்து களம் இறங்கிய ராஜஸ்தான் அணி 15 ஓவர்களில் 1 விக்கெட் இழப்புக்கு 157 ரன்கள் எடுத்து 9 விக்கெட் வித்தியாசத்தில் வெற்றி பெற்றது.

அதிகபட்சமாக லம்ப் 43 பந்துகளில் 16 பவுண்டரி, 2 சிக்சருடன் 83 ரன்கள் குவித்தார். ஓஜா 44 ரன்கள் (37 பந்து, 3 பவுண்டரி, 1 சிக்சர்), யுசூப் பதான் 21 ரன்கள்(13 பந்து, 2 சிக்சர்) எடுத்து ஆட்டம் இழக்காமல் அணியை வெற்றிக்கு அழைத்து சென்றனர்.

நன்றி: மாலை மலர்.