காவல் துறையும்,​​ மருந்துக் கட்டுப்பாட்டுத் துறையும் வலுவிழந்து விட்டது: ஜெயலலிதா

சென்னை,
​​ மார்ச் 26:​ ""தமிழகத்தில் காவல் துறையும்,​​ மருந்துக்
கட்டுப்பாட்டுத் துறையும் வலுவற்ற துறைகளாக விளங்குகின்றன'' என்று அதிமுக
பொதுச்செயலாளர் ஜெயலலிதா குற்றம்சாட்டியுள்ளார்.இது குறித்து அவர் வெள்ளிக்கிழமை வெளியிட்ட அறிக்கை:திமுக
அரசின் வன்முறைக்கு ஆதரவான போக்கு காரணமாக தமிழகத்தில் குற்றச் செயல்களில்
ஈடுபடுவோரின் எண்ணிக்கை அதிகரித்துக் கொண்டே செல்கிறது.​ காலாவதியான
மருந்து,​​ மாத்திரைகளில் தேதி உள்ளிட்ட விவரங்களை மாற்றி அதை மீண்டும்
விற்பனை செய்யும் அளவுக்கு துணிச்சல் ஏற்பட்டுள்ளது.​ இதன் மூலம் காவல்
துறையும்,​​ மருந்துக் கட்டுப்பாட்டுத் துறையும் வலுவற்ற துறைகளாக
விளங்குகின்றன என்பதை எளிதில் புரிந்து கொள்ளலாம்.கடுமையான
மின்வெட்டு,​​ வினாத்தாள் குளறுபடி,​​ போலி மருந்து மாத்திரைகள்,​​
பெட்ரோல்,​​ டீசல் விலை உயர்வு ஆகியவற்றால் அனைத்துத் தரப்பு மக்களும்
பாதிக்கப்பட்டுள்ளனர்.இந்தச் சோதனைகளை எல்லாம் மறைத்துவிட்டு,​​
"வரலாற்றுச் சாதனைகளை நிகழ்த்தியுள்ள திமுகவுக்கு வாக்களிக்குமாறு'
முதல்வர் கருணாநிதி வேண்டுகோள் விடுத்துள்ளது கேலிக்கூத்தாக உள்ளது.தமிழகத்தில்
நிலவும் தொடர் மின்வெட்டு காரணமாக தஞ்சை,​​ திருவாரூர்,​​ நாகை உள்ளிட்ட
மாவட்டங்களைச் சேர்ந்த விவசாயிகள் கடுமையாகப் பாதிப்படைந்துள்ளனர்.​ திமுக
அரசு பொறுப்பேற்ற பிறகு பகலில் 6 மணி நேரமும்,​​ இரவில் 4 மணி நேரமும்
மட்டுமே மும்முனை மின்சாரம் வழங்கப்படும் என்று அறிவிக்கப்பட்டது.​ ஆனால்
அதுவும் அளிக்கப்படவில்லை.விழுப்புரம் மாவட்டத்தில் மின்வெட்டு
காரணமாக கரும்புக்கு நீர் பாய்ச்ச முடியாமல் பயிர் வாடிப் போய்விடுமோ என்ற
அச்சத்தில் விவசாயிகள் உள்ளனர்.​ புதுக்கோட்டை மாவட்டம் முழுவதும் எவ்வித
முன்னறிவிப்பும் இன்றி மின்தடை மற்றும் மின்னழுத்த குறைவு ஏற்பட்டு
வருகிறது.​ இந்தப் பகுதிகளில் தினமும் 3 மணி நேரம்கூட மின்சாரம்
வழங்கப்படுவதில்லை.​ கடும் மின்வெட்டு காரணமாக தொழில் உற்பத்தி வெகுவாக
குறைந்துவிட்டது.பொதுத்தேர்வுகள் நடைபெற்று வரும் சூழ்நிலையில்
இரவு நேரங்களில் பெரும்பாலான இடங்களில் மின்வெட்டு ஏற்படுகிறது.​
தேர்வுக்கு முந்தைய நாள் மதுரையில் பெரும்பாலான இடங்களில் மின்தடை
ஏற்பட்டதால் மாணவர்கள் படிக்க முடியாமல் அவதிப்பட்டனர்.​ ஆனால் ஆர்க்காடு
வீராசாமி மின்வெட்டு இல்லை என்கிறார்.பெட்ரோல்,​​ டீசல் மீதான
கூடுதல் வரிகளைக் குறைக்க வலியுறுத்தி மத்திய அரசுக்கு கடிதம் எழுதி
இருப்பதாக முதல்வர் கருணாநிதி கூறினார்.​ ஆனால் சென்னை உள்பட 13
பெருநகரங்களில் பெட்ரோலின் விலை லிட்டருக்கு 41 பைசாவும்,​​ டீசலின் விலை
26 பைசாவும் உயர இருப்பதாக மத்திய அரசு அறிவித்துள்ளது.​ இதனால் விலைவாசி
மேலும் உயரக்கூடும்.​ கடந்த 4 ஆண்டுகளாக பென்னாகரம் தொகுதிக்காக எதுவும்
செய்யாததால்தான் இந்தத் தொகுதி வறட்சியாகவும்,​​ குடிநீர் இன்றியும்,​​
தொழில் வளர்ச்சி இன்றியும் பாலைவனமாக காட்சித் தருகிறது.​ இந்த நிலைமை
தொடராமல் இருக்க அதிமுக வேட்பாளர் ஆர்.​ அன்பழகனை வெற்றி பெறச் செய்ய
வேண்டும் என்று கேட்டுக் கொண்டுள்ளார்.