விமானப் படை பணியாளர் தேர்வு!

by மகி Sun Mar 03, 2013 12:07 am

இந்திய விமானப்படையில் பணியாளராக சேர்வதற்கான வேலை வாய்ப்பு முகாமில் காரைக்கால் இளைஞர்கள் பங்கேற்குமாறு ஆட்சியர் அழைப்பு விடுத்துள்ளார்.

இதுகுறித்து காரைக்கால் மாவட்ட ஆட்சியர் ஜெ. அசோக்குமார் வியாழக்கிழமை வெளியிட்ட செய்திக் குறிப்பு: மார்ச் 2-ல், வேலூர் அண்ணாசாலை ஆபீஸர் லைனில் உள்ள ஊர்ஸ் கல்லூரியில் இந்திய விமானப்படையில் பணியாளராக சேர்வதற்கான வேலைவாய்ப்பு முகாம் நடத்தப்படுகிறது.

புதுச்சேரி, காரைக்கால் மற்றும் தமிழகத்தின் 22 மாவட்டங்களை சேர்ந்த 22 வயதுக்குள்பட்ட திருமணமாகாத ஆண்களை விமானப் படையில் குரூப் ல தகுதி தொழில்நுட்ப பணியாளர் பணிக்கு சேர்ப்பதற்கான முகாம் இது.

மார்ச் 2-ல் உடல் தகுதி மற்றும் நேர்முகத் தேர்வும், தேர்வில் வெற்றிபெற்றவர்களுக்கு 3-ம் தேதி தொழில்நுட்ப தகுதித் தேர்வு மற்றும் மருத்துவ பரிசோதனை நடைபெறுகிறது.

1992, ஜன.1 முதல் 1996, மார்ச் 31 வரை பிறந்தவர்கள் மட்டும் இதில் பங்கேற்கமுடியும். கல்வித் தகுதி மற்றும் பிற விவரங்கள், www.indianairforce.nic.in அல்லது 044- 22390561, 22396565 மற்றும் 9445299128-ல் தொடர்புகொள்ளலாம்.