Re: சைவ வினா விடை

by மகி Tue May 31, 2011 12:12 am

பகிர்வுக்கு மிக்க நன்றி.

by **நந்தி** Tue May 31, 2011 2:08 pm

நன்றி நண்பரே!

by **நந்தி** Tue May 31, 2011 2:09 pm

51. வினை என்றால் என்ன?

நாம் செய்யும் செயல்களே வினை எனப்படும். வினைகள் நல்வினை, தீவினை என இரண்டு வகைப்படும்.

52. இன்ப துன்பத்திற்கான காரணம் என்ன?

முந்தைய பிறவிகளில் நாம் செய்த செயல்களுக்குத் தகுந்தவாறு பலன்களை இப்பிறவியில் அனுபவிக்கின்றோம். இறைவன் பெருங்கருணையின் காரணமாக நாம் செய்துள்ள மொத்த வினைகளையும் ஒரே பிறவியில் அனுபவிக்கத் தருவதில்லை. இப்பிறவியில் அனுபவிப்பதற்கு எனக் கொடுக்கப்பட்ட பிரார்த்த வினையின் வழி இப்பிறவியில் இன்ப துன்பங்களை அனுபவிக்கின்றோம். நாம் அனுபவிக்கும் இன்பதுன்பத்திற்குக் காரணம் நாம் முன்பு செய்த செயல்கள் தான் என சைவ சித்தாந்தம் தெளிவாக விளக்குகிறது.

by **நந்தி** Mon Jun 06, 2011 11:30 am

53. வினைக்குத் தகுந்தவாறு பலன்களை யார் நமக்குத் தருகிறார்கள்?

வினைக்குத் தகுந்த பலன்களை வினைகளின் காரணமாகிய கன்மம் தர முடியாது. ஏனென்றால் அது சடப்பொருள். உயிர் தாமே சென்று வினைகளுக்குத் தகுந்த பலன்களை நுகர்வதில்லை. இறைவனே அந்த அந்த உயிர்கள் செய்த வினைக்குத் தகுந்த பலன்களைக் கூட்டி வைக்கிறான்.

54. நாம் வாழும் இவ்வுலகைத் தோற்றுவித்தவர் யார்?

மாயை என்னும் மலத்திலிருந்து உயிர்கள் நன்மை பெறும் பொருட்டு இறைவன் உலகத்தைப் படைத்தார்.

by மகி Wed Jun 08, 2011 12:56 am

பகிர்வுக்கு மிக்க நன்றி.

by **நந்தி** Mon Apr 29, 2013 1:44 pm

நன்றி நண்பரே!

by **நந்தி** Mon Apr 29, 2013 1:45 pm

55. மாயை - குறிப்பு தருக.

மாயை என்பது மும்மலங்களில் ஒன்று. இம்மாயையின் காரியங்கள் 36 தத்துவங்களாக் விளங்குகின்றன. இம்மாயை சுத்தமாயை, அசுத்தமாயை என இரண்டு பகுதிகளாக நிற்கும். பிரகிருதி மாயை என்பது அசுத்தமாயைக்குள் அடங்கி நிற்கும். சுத்தமாயை, அசுத்தமாயை மற்றும் பிரகிருதி மாயை என மூன்றாகவும் கொள்வர். நாம் வாழும் இவ்வுலகம் பிரகிருதி மாயையில் இருந்து தோற்றுவிக்கப்பட்டது

by **நந்தி** Mon Apr 29, 2013 1:46 pm

56. சைவ சித்தாந்த சாத்திரங்களில் மணிமுடி நூலாக விளங்குவது எது?

சிவஞான போதம், சிவஞான சித்தியார் இதனுடைய வழிநூல் எனவும், சிவப்பிரகாசம் இதனுடைய சார்பு நூல் எனவும் போற்றப்படும்.

57. கடவுளுக்கும், உயிருக்கும் உள்ள தொடர்பு சைவ நூல்களில் எவ்வாறு சொல்லப்படுகிறது?

'அத்துவிதம்' என்ற சொல்லினால் குறிக்கிறார்கள்.

by **நந்தி** Mon Apr 29, 2013 1:46 pm

58. சைவ சித்தாந்தம் காட்டும் அத்துவிதம் யாது?

இறைவன் ஒன்றாய், வேறாய் மற்றும் உடனாய் உயிர்களோடு கலந்து இருக்கின்றான். அந்தந்தப் பொருளுக்கு அந்தந்த பொருளாய் - அதுஅதுவாய் நிற்பதுவே ஒன்றாய் நிற்றல் ஆகும். இறைவன் உயிர்களுக்கு அறிவிக்கும் பொருட்டு உயிர்களின் வேறாய் நிற்கின்றான்.

உயிர்கள் தாம் விரும்பியவற்றை செய்வதற்கு இறைவனுடைய துணை தேவைப்படுகிறது. எனவே, உயிர்களோடு உடனாய் கூடி நிற்கின்றான்.

by **நந்தி** Mon Apr 29, 2013 1:47 pm

59. சைவ சமயம் கூறும் வழிபாட்டு முறைகள் யாவை?

குரு, லிங்க, சங்கம, வழிபாடு.

குரு வழிபாடு: நம்மிடம் உள்ள அறியாமையைப் போக்கும் ஞான ஆசிரியரையே சிவமாகவே கருதி வழிபடுவதாகும்.

லிங்க வழிபாடு: திருக்கோயிலுக்குச் சென்று சிவபெருமானை லிங்க திருமேனியில் வழிபடுதல்.

சங்கம வழிபாடு: சிவனடியார்களை சிவமாகவே கருதி வழிபடுவது.

by **நந்தி** Mon Apr 29, 2013 1:48 pm

60. சரியை, கிரியை, யோகம், ஞானம் - விளக்குக

சரியை: உடலால் வழிபடுவது.

கிரியை: உடலாலும், உள்ளத்தாலும் வழிபடுவது.

யோகம்: உள்ளத்தால் வழிபடுவது.

ஞானம்: எங்கும் எதிலும் இறையருளையே காண்பது.

by **நந்தி** Mon Apr 29, 2013 1:48 pm

61. திருவைந்தெழுத்து விளக்கம் தருக.

திருவைந்தெழுத்து என்பது சிவாயநம என்னும் மந்திரமாகும்.

சி-சிவன்

வ-சக்தி(அருள்)

ய-உயிர்

ந-மறைப் பாற்றல்

ம-ஆணவ மலம்

என்று ஒவ்வொரு எழுத்தும் ஒவ்வொரு பொருளைக் குறித்து நிற்கிறது.

திருவைந்தெழுத்து மூவகைப்படும். நமசிவாய, சிவாய நம, சிவயசிவ என்பவை. இம்மந்திரமே பஞ்சாட்சர மந்திரம் என்று கூறப்படும்.

by **நந்தி** Mon Apr 29, 2013 1:49 pm

62. தீக்கை என்றால் என்ன?

தீக்கை என்பது தீட்சை என்னும் வடமொழி சொல்லின் திரிபு ஆகும்.

தீ-கெடுத்தல் ஷை-கொடுத்தல்

பாசப்பற்றைக் கெடுத்து மோட்சத்தை கொடுப்பது தீட்சை எனப்படும்.

இது மூன்று வகைப்படும் அவை

1. சமயம் 2. விசேடம் 3. நிருவாணம்

by **நந்தி** Mon Apr 29, 2013 1:50 pm

63. இருவினை ஒப்பு என்றால் என்ன?

நல்வினையின் பயனாகிய இன்பத்தில் விருப்பும், தீவினையின் பயனாகிய துன்பத்தில் வெறுப்பும் கொள்ளாது. அவற்றால் உள்ளம் வேறுபடாது, இரண்டையும் ஒன்றுபோல் கருதி அவற்றின்மேல் பற்று இல்லாமல் நிற்கும் நிலையே இருவினை ஒப்பு எனப்படும்.

64. மலபரிபாகம் என்றால் என்ன?

கணக்கற்ற பிறவிகளில் ஆணவமலத்தின் சக்தி உயிர் அறிவை தடைப்படுத்தியும் திரிபுபடுத்தியும் செயல்படுவதால் படிப்படியே மெலிவடைந்து பின் மறைத்தலை செய்யமாட்டாத நிலையை அடையும். உயிர் அறிவை தடுத்து வைத்திருந்த அதன் பிணிப்பு நெகிழ்ந்து நீங்கும் நிலை அடையும். இந்நிலையே மலபரிபாகம் எனப்படும்.

by **நந்தி** Mon Apr 29, 2013 1:50 pm

65. சத்திநிபாதம் என்றால் என்ன?

மலரிபாகம் சிறிது, சிறிதாக நிகழ, நிகழ அதற்கு ஏற்ப இதுகாறும் உயிரில் மறைத்து இருந்து பக்குவப்படுத்தி வந்த இறைவனது திரோதான சக்தியும் சிறிது, சிறிதாக தன் தன்மை மாறி அருள் சக்தியாக உயிரின் கண் விளங்கித் தோன்றும். அந்நிகழ்ச்சியே சத்திநிபாதம் எனப்படும்.

66. சத்திநிபாதத்தின் வகைகள் யாவை?

மந்ததரம், மந்தம், தீவிரம், தீவிரதரம் என நான்கு வகைப்படும்.

by **நந்தி** Mon Apr 29, 2013 1:51 pm

67. முத்தி என்றால் என்ன?

ஒவ்வொரு சமயமும் அதன் வழிபடு தெய்வம், வழிபாட்டு முறைகள் மற்றும் அடிப்படை நூல்கள் போன்ற சில அடிப்படைக் கருத்துக்களை சொல்கிறார்கள். அவற்றில் இன்ப, துன்பங்களை அனுபவிக்கும் உயிரின் முடிவான நிலை முக்தி என்று சொல்லப்படுகிறது.

by **நந்தி** Mon Apr 29, 2013 1:51 pm

68. சைவ சித்தாந்தம் காட்டும் முக்தி யாது?

உயிர்கள், மலநீக்கம் பெற்று இறைவனுடைய திருவடிகளில் ஒன்றாய் கலந்து பேரானந்தத்தை அனுபவித்தல். இந்நிலைக்கு சிவமாம் தன்மை என்று பெயர். சிவமாம் தன்மை என்று சொன்னாலும் சிவனோடு சமமாய் நிற்றல் என்பது பொருள் அல்ல. இறைவனுக்கு அடிமையாய் ஐந்தொழில்கள் செய்யும் ஆற்றல் அற்றதாய் என்றும் பேரானந்தத்தை மட்டுமே அனுபவித்துக் கொண்டு இருக்கும். முக்தி பெற்ற உயிர்கள் மீண்டும் பிறவிக்கு வருவதில்லை.

by **நந்தி** Mon Apr 29, 2013 1:52 pm

69. சீவன் முக்தர் - குறிப்பு தருக.

முக்தி பெற்றும் இவ்வுடலோடு இவ்வுலகில் வாழும் ஆன்மாக்களுக்கு சீவன் முக்தர்கள் என்று பெயர்.

70. தசகாரியம் என்றால் என்ன?

ஞான சாதனையில் முன்னேறும் ஆன்மாக்களிடத்து நிகழும் பத்து வகை செயல்பாடுகளாகும்.

தத்துவரூபம்

தத்துவ தரிசனம்

தத்துவ சுத்தி

ஆன்ம ரூபம்

ஆன்ம தரிசனம்

ஆன்ம சுத்தி

சிவ ரூபம்

சிவ தரிசனம்

சிவயோகம்

சிவபோகம்

by **நந்தி** Mon Apr 29, 2013 2:13 pm

[You must be registered and logged in to see this image.]

by **நந்தி** Thu May 09, 2013 7:02 pm

1. பன்னிரு ஜோதிலிங்கத் தலங்கள் எவை? அவை எங்கே இருக்கிறது?

1. கேதாரம் - இமயம்
2. சோமநாதம் - குஜராத்
3. மகாகாளேசம் - உஜ்ஜைனி
4. விசுவநாதம் - காசி
5. வைத்தியநாதம் - மகாராஷ்டிரம்
6. பீமநாதம் - மகாராஷ்டிரம்
7. நாகேஸ்வரம் - மகாராஷ்ரம்
8. ஓங்காரேஸ்வரம் - மத்தியப் பிரதேசம்
9. த்ரயம்பகம் - மகாராஷ்ரம்
10. குசுமேசம் - மகாராஷ்ரம்
11. மல்லிகார்சுனம் - ஸ்ரீசைலம்
12. இராமநாதம் - இராமேஸ்வரம்

by **sriniyamasri** Fri May 10, 2013 9:38 pm

by மகி Fri May 10, 2013 11:15 pm

பகிர்வுக்கு மிக்க நன்றி.

by **நந்தி** Wed May 15, 2013 6:37 pm

மிக்க நன்றி.

by **நந்தி** Thu May 16, 2013 2:14 pm

1. பன்னிரு ஜோதிலிங்கத் தலங்கள் எவை? அவை எங்கே இருக்கிறது?

1. கேதாரம் - இமயம்
2. சோமநாதம் - குஜராத்
3. மகாகாளேசம் - உஜ்ஜைனி
4. விசுவநாதம் - காசி
5. வைத்தியநாதம் - மகாராஷ்டிரம்
6. பீமநாதம் - மகாராஷ்டிரம்
7. நாகேஸ்வரம் - மகாராஷ்ரம்
8. ஓங்காரேஸ்வரம் - மத்தியப் பிரதேசம்
9. த்ரயம்பகம் - மகாராஷ்ரம்
10. குசுமேசம் - மகாராஷ்ரம்
11. மல்லிகார்சுனம் - ஸ்ரீசைலம்
12. இராமநாதம் - இராமேஸ்வரம்

by **நந்தி** Thu May 16, 2013 2:35 pm

2. நடராஜர் கால் மாறி ஆடிய திருத்தலம் எது?

மதுரை

by Sponsored content